အမေ့ခံအတိတ်
အမေ့ခံအတိတ်

ကုန်းဘောင်ခေတ်နှောင်း မြန်မာနှင့် အင်္ဂလိပ်စစ်ပွဲများ (၁၈၂၄ - ၁၈၈၅ အေဒီ)

၁၈၅၅
၁၈၅၅ ခုနှစ် ပုဂံ

ဖော်ပြပါ ကန်တော့ပလ္လင်ဘုရား၏ ဓာတ်ပုံမှာ ပုဂံတွင် ပထမဆုံး ရိုက်ကူးခဲ့သော ဓာတ်ပုံ ဖြစ်နိုင်သည်။ မင်းတုန်းမင်းထံ အခစားဝင်သော ဗြိတိသျှသံအဖွဲ့နှင့် အတူပါလာသည့် ဓာတ်ပုံဆရာ လင်းနရက်စ်ထရိုက်ပ် (Linnaeus Tripe)က ရိုက်ကူးခဲ့ခြင်း ဖြစ်သည်။ ကန်တော့ပလ္လင်ဘုရားကို ၁၃ ရာစု အစောပိုင်းတွင် နရပတိစည်သူမင်းနှင့် သူ၏ သားတော် ထီးလိုမင်းလိုမင်းတို့က တည်ထားကိုးကွယ်ခဲ့သည်။

နိုဝင်ဘာ ၁၈၅၅
၁၈၅၅ ခုနှစ်က အမရပူရ

မြန်မာပြည်တွင် ပထမဆုံးရိုက်ကူူးခဲ့သော ဓာတ်ပုံများထဲမှ တစ်ပုံ ဖြစ်ပြီး အင်္ဂလိပ်ဓာတ်ပုံဆရာ လင်နရက်စ်ထရိုက်ပ် (Linnaeus Tripe) က ၁၈၅၅ ခုနှစ် နိုဝင်ဘာလတွင် ရိုက်ကူးခဲ့သည်။ မင်းတုန်းမင်းသည် ၁၈၅၇ ခုနှစ်တွင် အမရပူရမှ မန္တလေးမြို့သစ်သို့ ပြောင်းရွှေ့ နန်းစိုက်သည်။ ထိုစဉ် ကမ္ဘာတစ်ဝှမ်းတွင် အောက်ပါ ဖြစ်ရပ်များ ဖြစ်ပွားလျက်ရှိသည်။ တရုတ်ပြည်တွင် တိုင်ပင်းတော်လှန်ရေးကြီး အရှိန်ကောင်းနေပြီး နီပေါသည် တိဗက်ပြည်ကို ကျူးကျော်စစ်ထိုးသည်။ အော်တိုဝါ (Ottawa) နှင့် ဒဲလက်စ် (Dallas) တို့ကို မြို့ကြီးများအဖြစ် တရားဝင်...

၁၈၅၅
၁၈၅၅ ခုနှစ် အမရပူရ (တံတား မြောက်ဘက်အဆုံးပိုင်း)

ဓာတ်ပုံကို ထိုနှစ်က မင်းတုန်းမင်းထံသို့ လာရောက်သော ဗြိတိသျှသံအဖွဲ့နှင့်အတူ လိုက်ပါလာသည့် အင်္ဂလိပ်ဓာတ်ပုံဆရာ လင်းနက်စ်ထရိုက် ရိုက်ကူးသည်။

၁၈၅၅
၁၈၅၅ ခုနှစ်က အာနန္ဒာ စေတီ

အင်းဝနန်းတော်သို့ လာရောက်သော ဗြိတိသျှသံအဖွဲ့နှင့် လိုက်ပါလာသော လင်းနီယပ်စ် ထရိုက်ပ် (Linnaeus Tripe) ရိုက်ကူးခဲ့သည့် အာနန္ဒာဘုရား၏ ပထမဦးဆုံးသော ဓာတ်ပုံဖြစ်သည်။

၁၈၅၅
၁၈၅၅ ခုနှစ် မင်းတုန်းမင်းလက်ထက် မင်းနေပြည်တော်အဖြစ် ရှိခဲ့သော အမရပူရရှိ လမ်းတစ်လမ်း၏ မြင်ကွင်း။

(အိန္ဒိယနိုင်ငံ ဝန်ရှင်တော်မင်းကြီး၏ အင်းဝခရီးစဉ်နှင့် လိုက်ပါလာခဲ့သော လင်းနီးယပ်စ်ထရိုက်ပ် (Linneaus Tripe) ဆိုသူ ရိုက်ကူးခဲ့သောပုံဖြစ်သည်။)

၁၈၅၆ - ၁၈၅၇
မြန်မာအစိုးရနှင့် အမေရိကန်အစိုးရ ပထမဆုံး ထိတွေ့မှု

မြန်မာပြည် အုပ်ချုပ်သူများနှင့် အမေရိကန်အစိုးရတို့အကြား ပထမဆုံး အဆက်အသွယ် ချိတ်ဆက်မိခြင်းမှာ ၁၈၅၆-၁၈၅၇ ခုနှစ်များတွင် မင်းတုန်းမင်းထံမှ သမ္မတ ဖရန်ကလင် ပိရဲ့စ် (Franklin Pierce) နှင့် ဂျိမ်းစ် ဘူခန်နန် (James Buchanan) (နှင့် သူတို့၏ နိုင်ငံခြားရေး ဝန်ကြီး အသီးသီး) ထံသို့ ပေးပို့ခဲ့သောစာချွန်လွှာများ ဖြစ်ပါလိမ့်မည်။ မင်းတုန်းမင်းသည် အမေရိကန်တို့နှင့် နှစ်ဦး သဘောတူစာချုပ် ချုပ်ဆိုလိုခဲ့သည်။ ထိုစာချုပ်သည် ဗြိတိသျှတို့ရန်စွယ်မှ အတိုင်းအတာ တစ်ခု အကာအကွယ် ပေးနိုင်ကောင်းသည်ဟု မျှော်လင့်ခဲ့သည်။ ထိုကာလက...

၁၈၅၆ - ၁၉၁၅
မြန်မာပြည်မှ အိုင်းရစ်လူမျိး ရဟန်း

မြန်မာနိုင်ငံနှင့် အိုင်ယာလန်နိုင်ငံအကြား ဆက်ဆံရေးသည် သမိုင်းကြောင်း ရှည်ကြာကာ စိတ်ဝင်စားဖွယ်ကောင်းလှသည်။ အိုင်းရစ်လူမျိုး (Irish) အမျိုးသား၊ အမျိုးသမီးများစွာတို့သည် မြန်မာအရေးကိစ္စများတွင် ပါဝင်ခဲ့ကြသည်။ အထူးခြားဆုံး ပုဂ္ဂိုလ်တစ်ဦးမှာ ဦးဓမ္မလောက (အမည်ရင်း မသိရ) ဖြစ်သည်။ ယင်းကို ဒပ်ဘလင်မြို့ (Dublin) ရှိ ချို့တဲ့သော မိသားစုမှ မွေးဖွားကြီးပြင်းခဲ့ပြီး ၁၈၅၆ ခုနှစ်တွင် အမေရိကန်သို့ ရွှေ့ပြောင်းနေထိုင်ခဲ့သည်။ အမေရိကားတလျှောက် ဖြတ်သန်းပေါက်ရောက်သည့် ပထမဦးဆုံးသော ရထားလမ်းများဖြင့် ခရီးနှင်လာရာ ဂျပန်သို့ မီးသင်္ဘောဖြင့် ရောက်ရှိခဲ့သည်။ ထ့ိုနောက် သီပေါမင်း ပါတော်မူခါနီး...

၁ ဇန်နဝါရီ ၁၈၅၉
သီပေါမင်း၏ မွေးနေ့

၁၈၅၉ ခုနှစ် ဇန်နဝါရီ လ (၁)ရက်နေ့သည် သီပေါမင်း၏ မွေးနေ့ဖြစ်သည်။ သီပေါမင်းသည် မင်းတုန်းမင်းနှင့် လောင်းရှည်မိဖုရားတို့၏သား ဖြစ်ပြီး မင်းတုန်းမင်း၏ ၄၁ ဦးမြောက်သားတော်ဖြစ်သည်။ သီရိပဝရ ဝိဇယာန္တ ယသတိလောကာဓိပတိ ပဏ္ဍိတ မဟာဓမ္မရာဇာဓိရာဇာ အမည်ဖြင့် ဘိသိက်ခံခဲ့ပြီး ကုန်းဘောင်မင်းဆက်၏ (၁၁)ဆက်မြောက်နှင့်နောက်ဆုံး ဘုရင်ဖြစ်သည်။ ၁၈၇၈ ခုနှစ် အောက်တို ဘာတွင် နန်းတက်ပြီး ၁၈၈၅ ခုနှစ်တွင် ဗြိတိသျှတို့၏ နန်းချခြင်းခံရကာ နယ်နှင်ဒဏ်ခံနေရစဉ်အတွင်း ၁၉၁၆ခုနှစ် ဒီဇင်ဘာ (၁၉)တွင် အသက် ၅၇ နှစ်၌...

၁၃ ဒီဇင်ဘာ ၁၈၅၉ - ၁၉၂၅
ဗမာ(မြန်မာ)ပြည်၏နောက်ဆုံး အဂ္ဂမဟေသီ မိဖုရားခေါင်ကြီး စုဖုရားလတ်

ဗမာ (မြန်မာ)ပြည်၏ နောက်ဆုံး အဂ္ဂမဟေသီ မိဖုရားခေါင်ကြီး စုဖုရားလတ်ကို ၁၈၅၉ ခုနှစ် ဒီဇင်ဘာလ ၁၃ ရက်နေ့တွင် ဖွားမြင်သည်။ အသက် ၁၉ နှစ်အရွယ်၌ သီပေါမင်း၏ နန်းမတော်အရှင် မိဖုရားခေါင်ကြီး ဖြစ်လာသည်။ နန်းစံသည့် ၇ နှစ်ကာလအတွင်း တော်ဝင်အာဏာကို (အထူးသဖြင့် နန်းတွင်းအသုံးစရိတ်ကို) လျှော့ချရန် အားထုတ်ကြသော ပြုပြင်ပြောင်းလဲရေး နန်းတွင်းအမတ်များကို တွန်းလှန်တိုက်ခိုက်ခဲ့သည်။ ဘုရင်၏ မိဖုရားနှင့် ကိုယ်လုပ်တော်အရေအတွက်ကို ကန့်သတ်ရန်လည်း အားထုတ်ခဲ့သည်။သူမအား အပြောင်းအလဲကို ဆန့်ကျင်သော၊ လင်ယောက်ျားအပေါ် နိုင်လိုထက်မင်းပြုသော၊ အကျင့်စာရိတ္တ...

1860s
“မန္တလေးမြို့ရှိ ခန္ဒာကိုယ်အမွှေးအမျှင်များ ထူထပ်နေသော မိသားစု “ မှ ငယ်ရွယ်သူမိသားစုဝင်တစ်ဦး။

၁၈၆၀ ခုနှစ်များဆီက ရိုက်ကူးခဲ့သော ဓာတ်ပုံဟုယူဆရပါသည်။ မွေးရာပါအမွှေးအမျှင်များထူထပ်သည့်ရောဂါကို ထိုမိသားစု မျိုးဆက်သုံးဆက်ခန့်မျှ ခံစားခဲ့ရသည်။ ဗမာဘုရင်များက သနားညှာတာသောအားဖြင့် စောင်မကြည့်ရှုခဲ့ကြသည်မှာ ၁၈၂၀ ခုနှစ်များမှ မန္တလေးကျဆုံးသည်ထိပင်ဖြစ်သည်။ ပီတီ ဘာနန်ဆိုသူက အဆိုပါမိသားစုကို လန်ဒန် ဆပ်ကပ်ပြပွဲမျာတွင် ခေါ်ယူပြသခဲ့သည်။ထို့နောက် အမေရိက တွင်ပါ ဆက်လက်ပြသခဲ့သည်။ ပုံပါ မိန်းကလေး မှာ မဖုံ ဖြစ်သည် ဟု ကျွန်တော်ယုံကြည်ပါသည်။ သူမသည် ဇာတိမြေနှင့်မိုင်ပေါင်းများစွာ ကွာဝေးသော ဝါရှင်တန်ဒီစီ တွင် ၁၈၈၈ ခုနှစ်၌ ကွယ်လွန်ခဲ့ပါသည်။

၁၈၆၂
၁၉ ရာစုအလယ်ပိုင်း အင်းဝနန်းတော်အတွင်းမှ မြန်မာပိုလိုကစားပွဲ


ယနေ့ခေတ် ပိုလိုအားကစား၏ မူရင်းဇာစ်မြစ်မှာ မဏိပူရမှဖြစ်သည်။ ရာစုနှစ်များစွာကြာ မဏိပူရတွင် ပိုလိုကစားသည့် အလေ့အထရှိခဲ့သည်။ ထိုခေတ်က “ပူလူ - Pulu”ဟု ခေါ်ဝေါ်ကြသည်။ ပထမ အင်္ဂလိပ်-မြန်မာစစ်နောက်ပိုင်း မဏိပူရ ပိုလိုအားကစားအကြောင်း ဗြိတိသျှတို့ ရှာတွေ့မိရာမှ နောက်ပိုင်း ကာလတ္တားသို့ ယူဆောင်သွားခဲ့သည်။ ကာလကတ္တား၌ ပိုလိုအားကစားကို ၁၈၆၂ ခုနှစ်မှ စတင်ကာ ကစားလာခဲ့သည်။ မြန်မာပိုလို၏ ဇာစ်မြစ်ကိုမူ မသိရှိရပါ။ မဏိပူရပိုလိုမှ ဆင်းသက်လာခြင်းလည်း ဖြစ်ကောင်းဖြစ်နိုင်ပါသည်။ 

၁၈၆၅
မင်းတုန်းမင်းလက်ထက် ၁၈၆၅ ခုနစ် ဝန်းကျင်က အမည်မသိ အရာထမ်းကြီးတစ်ဦး (ဗြဲတိုက် သို့မဟုတ် ရွှေတိုက်စာရေး ဖြစ်နိုင်ပါသည်။)

Photo credit: Royal Ontario Museum 

သြဂုတ် ၁၈၆၆
ကနောင်မင်းသားကြီး လုပ်ကြံခံရခြင်း

၁၈၆၆ ခုနှစ် သြဂုတ်လတွင် (ဓာတ်ပုံထဲပါ) ကနောင်မင်းသားကြီး လုပ်ကြံခံရပြီးနောက် မြန်မာ့သမိုင်း ဦးတည်ရာလမ်းကြောင်းသည် ထာဝရ ပြောင်းလဲသွားခဲ့သည်။ ကနောင်မင်းသားကြီးသည် မင်းတုန်းမင်းကြီး၏ ညီတော် တဖြစ်လဲ အုပ်ချုပ်ရေးပိုင်းတွင် အားထားရသူလည်းဖြစ်သည်။ အိမ်ရှေ့စံမင်းသားလည်း ဖြစ်သည်။ တိုင်းပြည်အုပ်ချုပ်ပုံစနစ်ကို ပြောင်းလဲပစ်ရန်၊ တိုင်းပြည် ခေတ်မီတိုးတက်လာစေရန်၊ တိုင်းပြည်၏အချုပ်အခြာအာဏာကို ကာကွယ်ရန် မင်းတုန်းမင်းနှင့် ကနောင်မင်းသားကြီးတို့ နှစ်ဦး အတူတကွ ဦးဆောင်ထမ်းရွက်ခဲ့ကြသည်။ ကနောင်မင်းသားကြီး၏ လမ်းညွှန်မှုအောက်တွင် ကျောင်းသား ဒါဇင်နှင့်ချီကို ဥရောပသို့ ပညာတော်သင်စေလွှတ်ခဲ့သည်။ ထိုအထဲတွင် စစ်တပ်တွင်း အကြီးစားပြုပြင်ပြောင်းလဲမှုပြုလုပ်ရန်အတွက် စစ်ပညာသင်ယူမည့် ကျောင်းသားများလည်း...

၂ သြဂုတ် ၁၈၆၆
မြင်ကွန်းမင်းသား

၁၈၆၆ ခုနှစ် သြဂုတ်လ ၂ ရက်နေ့တွင် ဖခမည်းတော် မင်းတုန်းမင်းကို မြင်ကွန်းမင်းသား ပုန်ကန်တော်လှန်ခဲ့သည်။ ဦးရီးတော် အိမ်ရှေ့မင်းသား ဖြစ်သော ကနောင်မင်းသားနှင့် အခြားသော မှူးကြီးမတ်ရာများ လုပ်ကြံခံခဲ့ရသည်။ ထိုတော်လှန်ပုန်ကန်မှုသည် ရက်သတ္တပတ် အနည်းငယ်မျှ ကြာမြင့်ခဲ့ပြီး သွေးထွက်သံယိုများစွာ ဖြစ်ခဲ့ပြီးမှသာ အဆုံးသတ်ခဲ့သည်။ ကနောင်မင်းသားသည် မြန်မာပြည်၏ ပြုပြင်ပြောင်းလဲရေး ခေါင်းဆောင်ကြီး ဖြစ်ပြီး ယင်းကွယ်လွန်ခဲ့ခြင်းသည် တပ်မတော်နှင့် အခြားသော တိုင်းပြည်၏ အဖွဲ့အစည်းများကို ခေတ်မီအောင် ကြိုးပမ်းအားထုတ်မှုများအပေါ် အထိနာစေခဲ့သည်။ မြင်ကွန်းမင်းသားကြီး၏ ယခုပုံမှာ ဆိုင်ဂုံ (Saigon)...

၁၈၆၈ - ၁၉၀၅
သံချပ်ဝန် ဦးမြူ

သံချပ်ဝန် ဦးမြူ (နောက်ပိုင်းတွင် မင်းကြီးမင်းလှ မဟာစည်သူကျော်ဖြစ်လာသူ)၏ ရှားပါးပုံရိပ်လွှာ။ဦးမြူသည် အင်းဝမှူးမျိုးမတ်နွယ် ရှေးမိသားစုတစ်ခုမှ ဆင်းသက်လာသည်။ ပါရီတွင် ပညာဆည်းပူးခဲ့သော ပထမဦးဆုံး မြန်မာလူမျိုးများထဲမှ တစ်ယောက်ဖြစ်သည်။ ၁၈၆၈ ခုနှစ် École Centrale des Arts et Manufactures ကျောင်းမှ အင်ဂျင်နီယာဘွဲ့ကို ရရှိခဲ့ပြီး ၁၈၇၀ ပြည့်နှစ်အလွန်များတွင် ပြင်သစ်သို့ ပြန်သွားကာ ဆက်လက်ပညာသင်ယူခဲ့သည်။ မင်းတုန်းမင်းကြီး၏ တိုင်းပြည်အတွင်း ပထမဦးဆုံးသောစက်ရုံကြီးများ တည်ထောင်မည့် ကြိုးပမ်းမှုကို ဦးဆောင်လျက် ဦးမြူသည် မန္တလေးတွင် ရာထူးတာဝန်မျိုးစုံကို ထမ်းရွက်ခဲ့သည်။...

1880s
သီပေါမင်း၏ စာသင်ကျောင်း

သီပေါမင်း ပညာသင်ယူခဲ့သော စာသင်ကျောင်းနှင့် ပတ်သက်၍ ဤပုံကိုသာ တွေ့ရှိထားပါသည်။ မန္တလေး နန်းမြို့ရိုးအနောက်ဘက်တွင် တည်ရှိပြီး ‘ဒေါက်တာမာ့ခ်စ်ကျောင်း’ ‘ဆရာမှတ်ကြီးကျောင်း’ ဟုလည်း လူသိများသည့် အက်စ်ပီဂျီ သာသနာပြု စာသင်ကျောင်းဖြစ်သည်။ ၁၈၆၉ ခုနှစ်တွင် ရန်ကုန် စိန်ဂျွန်းကျောင်း၏ ကျောင်းအုပ်ဆရာကြီး ခရစ်ယာန်သာသနာပြုဘုန်းကြီး ဂျိန်းမ်စ်အက်ဘန်နီဇာမာ့က်စ်(James Ebenezer Marks)အား ခရစ်ယာန်ဘုရားရှိခိုးကျောင်းနှင့် ဆရာများနေရန် နေအိမ်အပါအဝင် စာသင်ကျောင်းတစ်ခု အတူတကွ တည်ထောင်ရန် မင်းတုန်းမင်းကြီး ဖိတ်ကြားခဲ့သည်။ ထိုကျောင်းတွင် သီပေါမင်းသားအပါအဝင် မင်းညီမင်းသား ၇ ဦး ပညာဆည်းပူးခဲ့သည်။ သီပေါမင်းသားကို...

၁၈၇၁
ပြင်သစ်သို့ ပထမဦးဆုံးအကြိမ်အဖြစ် စေလွှတ်ခံရသော မြန်မာသံအဖွဲ့

၁၈၇၁ ခုနှစ် ကင်းဝန်မင်းကြီး ဦးဆောင်သည့် သံအဖွဲ့သည် ပြင်သစ်သို့ ပထမဦးဆုံးအကြိမ်အဖြစ် စေလွှတ်ခံရသော မြန်မာသံအဖွဲ့ ဖြစ်သည်။ (မြန်မာတို့သည် ဥရောပရှိ အခြားသော အင်အားကြီးများကိုလည်း မျက်နှာချိုသွေးနိုင်ပါသည်ဟူသော သတင်းစကား ဗြိတိသျှတို့ နားသို့ ရောက်ရှိစေရန် ရည်ရွယ်သည့်) ထိုခရီးစဉ်အတွင်း ကင်းဝန်မင်းကြီးနှင့်အဖွဲ့သည် Louvre ပြတိုက်၌ အီဂျစ်မမ်မီရုပ်အလောင်းများကို ကြည့်ရှုခြင်း၊ နပိုလီယံသင်္ချိုင်းအုတ်ဂူတွင် အရိုအသေပြုခြင်း၊ အမျိုးသားစာကြည်တိုက်သို့ သွားရောက်လေ့လာခြင်းများ ပြုလုပ်ခဲ့ကြသည်။ စာကြည့်တိုက်၌ ၁၃ ရာစုနှစ်က မာကိုပိုလိုရေးဆွဲထားသည်ဟုဆိုသော ပုဂံမြို့ဟောင်းပါရှိသည့် မြေပုံဟောင်းတစ်ခုကို ကြည့်ရှုခဲ့ကြသည်။ နှစ်ရာစုပေါင်းများစွာကြာ ဥရောပလူမျိုးများ...

ဇွန် ၁၈၇၁
အင်္ဂလန်နိုင်ငံသို့ စေလွှတ်ခံရသော ပထမဆုံး မြန်မာသံအဖွဲ့

ယူကေသို့ ပထမဦးဆုံးအကြိမ် သွားသော...

၁၈၇၁
မင်းတုန်းမင်း လှူဒါန်းခဲ့သော ရွှေတိဂုံဘုရား ထီးတော်

ပုပ္ပါးမြို့စား ဦးဆောင်သော မင်းတုန်းမင်း၏ မှူးမတ်များသည် ရွှေတိဂုံစေတီတော်တွင် ထီးတော်သစ် ကပ်လှူရန် ရန်ကုန်မြို့သို့ ရောက်ရှိလာခဲ့ကြသည်။ ၁၈၇၁ ခုနှစ်တွင် ဗြိတိသျှတို့သည် ရန်ကုန် အပါအဝင် အောက်မြန်မာပြည် တစ်ခုလုံးကို သိမ်းယူထားခဲ့ပြီး ဖြစ်သည်။ ထိုစဉ်က ကော်မရှင်နာမင်းကြီး (ဆာအက်ရှလေအီဒင် - Sir Ashley Eden)က မင်းတုန်းမင်းအနေဖြင့် ထီးတော်သစ်ကို လှူဒါန်းမည်ဆိုပါက လှူဒါန်းနိုင်သည်၊ သို့သော် ဗြိတိသျှအာဏာပိုင်များမှ တစ်ဆင့်ခံ လှူဒါန်းပေးမည်ဟု မလျှော့တမ်း ပြောသည်။ လှူဒါန်းနိုင်မည့်ပုံစံမှာ ထီးတော်ကို ဗြိတိသျှတို့က မင်းတုန်းမင်းထံမှ လက်ခံရယူကာ...

အောက်တိုဘာ ၁၈၇၂
လန်ဒန်သို့ ပထမဦးဆုံး ရောက်ရှိခဲ့သော မြန်မာသံအဖွဲ့

၁၈၇၂ ခုနှစ် အောက်တိုဘာလတွင် ကင်းဝန်မင်းကြီး ခေါင်းဆောင်သော မြန်မာသံအဖွဲ့သည် လန်ဒန်သို့ပထမဆုံးအကြိမ် သံခင်းတမံခင်း အဖြစ် ခရီးဆိုက်ခဲ့ကြသည်။ လန်ဒန်တွင် လေးလကြာမျှ နေထိုင်ခဲ့ကြပြီး ဗြိတိသျှ လုပ်ငန်းရှင်များကို ဗမာပြည်တွင် ရင်းနှီးမြှုပ်နှံမှုများ လုပ်ကိုင်ကြရန် တိုက်တွန်းခဲ့ကြသည်။ တိုင်းပြည်အတွင်း လှည့်လည်လေ့လာပြီး ဝိတိုရိယဘုရင်မကြီးနှင့်လည်း တွေ့ဆုံခဲ့ကြသည်။ ထိုမှ တဆင့် ဗြိတိသျှ နှင့် ဗမာပြည်အကြား ချစ်ကြည်ရေးစာချုပ် ချုပ်ဆိုပြီး မိတ်ဆွေဖွဲ့ရန်မျှော်လင့်ခဲ့ကြသည်။ ဗြိတိသျှတို့က ဗမာသံအဖွဲ့ကို အကောင်းဆုံး ဧည့်ဝတ်ကျေခဲ့ကြသော်လည်း စာချုပ်တစုံတရာ ချုပ်ဆိုဖို့ကိုမူ ငြင်းဆန်ခဲ့ကြသည်။ သမိုင်းသည် မြန်မာမင်းဆက်၏...