အမေ့ခံအတိတ်
အမေ့ခံအတိတ်

မြန်မာ့ အိမ်နီးချင်းနိုင်ငံများ၏ အတိတ်နှင့် ပစ္စပ္ပုန်

1950s
ယူနန်ပြည်နယ် အနောက်မြောက်အရပ်ရှိ ရင်သပ်ရှုမောဖွယ်ရာ သဘာဝရှုခင်း

ကချင်ပြည်နယ်မှ နယ်စပ်ဘက်ကို လှမ်းကြည့်လိုက်လျှင် ယန်ဇီမြစ် ပထမဦးဆုံး အချိုးအကွေ့ ဖြစ်ပေါ်ရာကို တွေ့မြင်နိုင်သည်။ ထိုဒေသရှိ လူမျိုးများသည် နာရှီဘာသာစကားကို ပြောဆိုအသုံးပြုကြသည်။ နာရှီဘာသာစကားသည် ဂျင်းဖော ကချင်ဘာသာစကား၊ အခြားသော တိဗက်-ဗမာ ဘာသာစကားတို့နှင့် အလှမ်းဝေးပြီး ဗမာ(မြန်မာ)ဘာသာစကားနှင့် အလွန်နီးစပ်လှသည်။ ထိုဒေသသည် ၁၉ ၅၀ ပြည့်နှစ်များ မတိုင်ခင်အထိ နာရှီဘုရင်အုပ်ချုပ်သော သီးသန့်နိုင်ငံတစ်ခုအဖြစ် ရပ်တည်ခဲ့သည်။

၁၉၆၀
ဘာကြောင့် တရုတ်ပြည်နှင့် ဆက်ဆံရေး အရေးကြီးရသလဲ

တရုတ်နိုင်ငံနှင့် ဆက်ဆံရေးသည် တိုင်းပြည်၏ အနာဂတ်စီးပွားရေး အပြင် ဆောင်ရွက်နေသည့် ငြိမ်းချမ်းရေး ဆွေးနွေးပွဲများ အတွက်ပါ အရေးကြီးလှသည်။ ယနေ့မြန်မာနိုင်ငံသည် ၂၁ ရာစု၏ အကြီးမားဆုံးသော စက်မှုတော်လှန်ရေးပေါ်ပေါက်ခဲ့သည့် နိုင်ငံကြီး၏ အိမ်နီးနားချင်း ဖြစ်နေသည်။ မြန်မာနိုင်ငံ၏ ထိုအနေအထားကို ကောင်းစွာ (သို့မဟုတ် မှားယွင်းစွာ) ကိုင်တွယ်နိုင်ခြင်း ရှိ၊မရှိအပေါ် မူတည်ကာ သာမန်ပြည်သူလူထု၏ နေထိုင်မှုဘဝများ အမျိုးမျိုး ပြောင်းလဲသွားမည် ဖြစ်သည်။ မွန်ဂိုတို့၏ အောင်မြင်မှုများကအစ မင်မင်းဆက် ကျဆုံးမှုအထိ နောက်ဆုံး တရုတ်ပြည်သူ့သမ္မတနိုင်ငံ ပေါ်ပေါက်လာသည့်အဆုံး တရုတ်နိုင်ငံ၏ သမိုင်းတစ်လျှောက်...