ယခုဝက်ဘ်ဆိုဒ် တည်ထောင်ရခြင်း၏ ရည်ရွယ်ချက်မှာ မြန်မာနိုင်ငံ၏ အံသြဖွယ်ရာ သမိုင်းကြောင်းကို လူအများ စိတ်ပါဝင်စားမှု ပိုမိုတိုးမြင့်လာစေရန် ဖြစ်ပါသည်။

မြန်မာနိုင်ငံ၌ လက်ရှိသင်ကြားနေသော သမိုင်းတွင် မဆန်းစစ်ဘဲ လက်ခံထားသော အမြင်များ၊ ရှုထောင့်နှစ်ဘက်မှသာ ကန့်သတ်ကြည့်မြင်သော သဘောထားများ ပါရှိနေတတ်ရာ နိုင်ငံ၏သမိုင်းတလျှောက် အဓိကကျသော အတိတ်ကာလများကို ပြန်လည်ဆန်းစစ်ခြင်းအားဖြင့် ထိုအတွေးအမြင်များကို စိန်ခေါ်ရန်မှာ ကျွနု်ပ်တို့၏ ရည်ရွယ်ချက်ဖြစ်ပါသည်။ ထို့အပြင် တရုတ်ယူနန်ပြည်နယ်နှင့် အိန္ဒိယ အရှေ့မြောက်ပိုင်းဒေသ စသော အိမ်နီးနားချင်းဒေသများ၏ သမိုင်းကြောင်းကို မြန်မာစာဖတ်ပရိသတ်နှင့် မိတ်ဆက်ပေးနိုင်ရန် ထဲထဲဝင်ဝင် ဖော်ပြလိုက်ပါသည်။

ယနေ့ မြန်မာနိုင်ငံ ကြုံတွေ့နေရသော စိန်ခေါ်မှုများစွာကို ရင်ဆိုင်နိုင်ရန်အတွက် အတွေးသစ် အမြင်သစ်၊ စိတ်ကူးအသစ်များ လိုအပ်သည်ဟု ကျွန်ုပ်တိုအနေနှင့် ယုံကြည်မိပါသည်။ မြန်မာ့သမိုင်းနှင့် ကမ္ဘာ့သမိုင်းကို ရှင်းလင်းစွာ နားလည်သဘောပေါက်ပြီး ဆန်းစစ် သုံးသပ်ခြင်းမှသာ ထိုသို့တွေးခေါ်နိုင်ပါလိမ့်မည်။

ယခုဝက်ဘ်ဆိုဒ်သည် ဦးသန့်မြင့်ဦး၏ ဖေ့စ်ဘုတ် လူမှုကွန်ယက်စာမျက်နှာမှ အစပြုခဲ့သည်။ ဦးသန့်မြင့်ဦးသည် ထိုစာမျက်နှာပေါ်တွင်၂၀၁၂ ခုနှစ်မှ ၂၀၁၈ ခုနှစ်အထိ ပို့စ်ပေါင်း ၄၀၀၀ ကျော် တင်ခဲ့ရာ ပို့စ်အများစုမှာ မြန်မာ့သမိုင်းနှင့် ဆက်စပ်နေပါသည်။ ယခုအခါ မြန်မာဘာသာသို့ ပြန်ဆိုလိုက်သော ထိုပို့စ်များသည် ဝက်ဘ်ဆိုဒ်၏ အခြေခံအုတ်မြစ်သဖွယ် ဖြစ်လာပါသည်။ ဝက်ဘ်ဆိုဒ်ပေါ်တွင် မြန်မာဘာသာပို့စ်များ ဖော်ပြထားသည့်အတွက် ဖတ်ရှုလေ့လာရန် ပိုမို အဆင်ပြေလိမ့်မည်ဟု မျှော်လင့်ပါသည်။

ထိုမျှမကဘဲ ပို့စ်အသစ်များ ထပ်မံဖြည့်စွက်ခြင်းဖြင့်လည်းကောင်း၊ မြန်မာ့သမိုင်းကို ဆက်စပ်တွေးခေါ်သုံးသပ်နိုင်မည့် နည်းလမ်းအသစ်များ ဖန်တီးပေးခြင်းဖြင့်လည်းကောင်း ဝက်ဘ်ဆိုဒ်ကို တည့်တံသွားစေရန် မျှော်လင့်ထားပါသည်။

ယခုဝက်ဘ်ဆိုဒ်ကို ဦးသန့်နေအိမ်၏ စီမံကိန်းတစ်ခုအဖြစ် တည်ထောင်ခြင်းဖြစ်ပါသည်။ ဦးသန့်နေအိမ်သည် ရန်ကုန်မြို့တွင် တည်ရှိပြီး ကုလသမဂ္ဂ အတွင်းရေးမှူးချုပ်ဟောင်း ဦးသန့်နှင့် ယင်းအလွန်တရာ အလေးထားခဲ့သော ကိစ္စရပ်များဖြစ်သည့် ငြိမ်းချမ်းရေး၊ စဉ်ဆက်မပြတ် ဖွံ့ဖြိုးရေး၊ သဘာဝပတ်ဝန်းကျင်နှင့် လူ့အခွင့်အရေး အစရှိသည်တို့ကို ရည်စူးကာ ဖွင့်လှစ်ထားသော ပြတိုက်နှင့် ဆွေးနွေးမှုစင်တာ ဖြစ်သည်။

သတင်းအချက်အလက်များ ထပ်မံသိရှိလိုပါက uthanthouse.org တွင် ကြည့်ရှုနိုင်ပါသည်။

ဤဝက်ဘ်ဆိုဒ် ဖြစ်မြောက်ရေးအတွက် ဒိန်းမတ်အစိုးရမှ စေတနာထက်သန်စွာ ထောက်ပံ့ငွေ ပေးအပ်ခဲ့ပြီး မြန်မာနိုင်ငံ နည်းပညာလောက၌ ရှေ့ဆောင်လမ်းပြအဖွဲ့တစ်ခုဖြစ်သော ဖန်တီးရာ ကလည်း ကူညီထောက်ပံ့ထားပါသည်။