အမေ့ခံအတိတ်
အမေ့ခံအတိတ်

ပရောဂျက်အကြောင်း

ဤစီမံကိန်းသည် ဦးသန့်ဂေဟာ၏ စီမံကိန်း တစ်ခု ဖြစ်သည်။​ ကုလသမဂ္ဂ အတွင်းရေးမှူးချုပ်ဟောင်း ဦးသန့်နှင့် သူ အလေးထားခဲ့သည့် ငြိမ်းချမ်းရေး၊ စဥ်ဆက်မပြတ် ဖွံ့ဖြိုးတိုးတက်ရေး၊ သဘာဝပတ်ဝန်းကျင်နှင့် လူသားတို့၏ အခြေခံရပိုင်ခွင့် စသော အရေးကိစ္စများကို ဆက်လက်ဆောင်ရွက်နိုင်ရန် ထူထောင်ခဲ့သည့် ဦးသန့်ဂေဟာသည် ပြတိုက်၊ သုတေသနနှင့် ဆွေးနွေးသင်ကြားမှုများ ပြုလုပ်ရာ နေရာတစ်ခု ဖြစ်သည်။

ဦးသန့်ဂေဟာ၏ ဥက္ကဌဖြစ်သူ သမိုင်းပညာရှင် ဦးသန့်မြင့်ဦးသည် ၂၀၁၂-၂၀၁၈ ခုနှစ်များက သူ၏ Facebook စာမျက်နှာတွင် မြန်မာ့သမိုင်းကြောင်းဆိုင်ရာ ပို့စ် ၄,၀၀၀ ကျော်ကို ရေးသားခဲ့သည်။ ထိုပို့စ်များကို စုစည်းပြင်ဆင်တိုးချဲ့ကာ ဤဝက်ဘ်ဆိုက် ကို စတင်ထူထောင်ခဲ့ပြီး ဆောင်းပါးသစ်များကိုလည်း ဆက်လက်၍ ဖြည့်စွက်လျှက် ရှိသည်။ တွင် မူလက အင်္ဂလိပ်ဘာသာဖြင့် ရေးသားထားသော ပို့စ်များကို မြန်မာဘာသာသို့ ပြန်ဆိုထားသဖြင့် မြန်မာနိုင်ငံရှိ စိတ်ပါဝင်စားသူများက မိမိတို့၏ သမိုင်းကြောင်းကို အင်္ဂလိပ်၊ မြန်မာ နှစ်ဘာသာဖြင့် ဖတ်ရှုနိုင်သလို ကမ္ဘာတစ်ဝှမ်းရှိ စိတ်ပါဝင်စားသူများကလည်း မြန်မာနိုင်ငံ၏ သမိုင်းကြောင်း၊ ကမ္ဘာတစ်ဝှမ်းနှင့် ဆက်စပ်နေမှုများကို လေ့လာဖတ်ရှုနိုင်သည်။

ဤစီမံကိန်းမှသည်

  • မြန်မာနိုင်ငံ၌ လက်ရှိသင်ကြားနေသော သမိုင်းတွင် မဆန်းစစ်ဘဲ လက်ခံထားသော အမြင်များ၊ ရှုထောင့်နှစ်ဖက်မှသာ ကန့်သတ်ကြည့်မြင်တတ်သော သဘောထားများ ပါရှိနေရာ အတိတ်သမိုင်းကြောင်းမှ အဓိကကျသော ဖြစ်ရပ်များကို ပြန်လည်ဆန်းစစ်၍ အတွေးသစ်၊ အမြင်သစ်များကို ထုတ်ဖော်နိုင်ရန်
  • ယဥ်ကျေးမှုပေါင်းစုံ စုစည်းနေသည့် မြန်မာနိုင်ငံ၏ အတိတ်နှင့် ကမ္ဘာတစ်ဝှမ်းမှ ဖြစ်ရပ်များနှင့် ပတ်သက်ဆက်စပ်နေခဲ့ပုံများကို ဖော်ထုတ်နိုင်ရန်
  • မြန်မာနိုင်ငံ၏ အိမ်နီးချင်းများ ဖြစ်ကြသော တရုတ်နိုင်ငံ၊ ယူနန်ပြည်နယ်နှင့် အိန္ဒိယနိုင်ငံ အရှေ့မြောက်ပိုင်းဒေသများ၏ သမိုင်းကြောင်းများကို လေ့လာခြင်းမှသည် မြန်မာနိုင်ငံ၏ ပထဝီဝင်နိုင်ငံရေးကို ပို၍ နားလည်လာစေရန် ရည်ရွယ်ပါသည်။

ထို့အပြင် မြန်မာနိုင်ငံ၏ သမိုင်းကြောင်းကို စူးစမ်းစစ်ဆေး၊ ရှာဖွေဖော်ထုတ်၊ လက်တွဲစမ်းစစ်ခြင်းများမှသည် မြန်မာ့သမိုင်းကို စိတ်အားထက်သန်စွာ စိတ်ပါဝင်စားလာကြစေရန် မျှော်လင့်ပါသည်။

*ဒိန်းမတ်အစိုးရ၏ အထောက်အပံ့နှင့် မြန်မာနိုင်ငံ၏ နည်းပညာအရာတွင် ထိပ်တန်းဖြစ်သော ‘ဖန်တီးရာ’ ၏ အကူအညီတို့ကြောင့် ဤဝက်ဘ်ဆိုက်ကို ပြုလုပ်နိုင်ခဲ့ပါသည်။

ကျွန်ုပ်တို့အကြောင်း

Dr. Thant Myint-U

ဒေါက်တာသန့်မြင့်ဦး

ဦးသန့်နေအိမ် ဥက္ကဌနှင့် စီမံကိန်းခေါင်းဆောင်

ကန်းဘရစ်ချ်တက္ကသိုလ် ထရစ်နင်တီကောလိပ် ကျောင်းသားဟောင်း ဒေါက်တာသန့်မြင့်ဦးသည် ဂုဏ်ထူးဆောင်ဘွဲ့ရ စာရေးဆရာ၊ သမိုင်းပညာရှင်တစ်ဦးဖြစ်သည်။ ကုလသမဂ္ဂ ငြိမ်းချမ်းရေးထိန်းသိမ်းမှုလုပ်ငန်းအဖွဲ့ သုံးခုတွင် တာဝန်ထမ်းဆောင်ခဲ့ဖူူးပြီး ကုလသမဂ္ဂ၏ နိုင်ငံရေး အရေးအရာဌာနတွင် မူဝါဒစီမံကိန်းရေးဆွဲခြင်းဆိုင်ရာ အကြီးအကဲအဖြစ်လည်း ဆောင်ရွက်ခဲ့သည်။ သူ၏ ရောင်းအားအကောင်းဆုံး စာအုပ် “တရုတ်-အိန္ဒိယ ဆုံမှတ်”အပါအဝင် စာအုပ်ပေါင်း ၃ အုပ် ရေးသားပြုစုထားသည်။ ရန်ကုန်မြို့ ပြအမွေအနှစ် ထိန်းသိမ်းစောင့်ရှောက်ရေးအဖွဲ့ကို စတင်တည်ထောင်ခဲ့သူဖြစ်ရုံသာမက Ava Advisory Group ၏ တွဲဖက်တည်ထောင်သူတစ်ဦးလည်းဖြစ်သည်။

Li Jia Li

လီကျားလိ

ဝက်ဘ်ဆိုဒ် တည်ထောင်သူ

ကျားလိ သည် ဝဘ်ဆိုဒ် တည်ဆောက်သူ နှင့် UI ဒီဇိုင်နာ တစ်ဦး ဖြစ်သည်။ လူထုအကျိုးပြု နည်းပညာ ကို အလွန် စိတ်ဝင်စား ပြီး သူတတ်ကျွမ်းထားသော အတတ်ပညာ များကို လူမှုအပြောင်းအလဲ လုပ်ဆောင်မှုများတွင် အသုံးပြုနိုင်ရန် အခွင့်အလမ်းများကို အမြဲရှာဖွေနေသူဖြစ်သည်။ Open Data နှင့် အချက်အလက်များ ပုံဖော်ခြင်း (data visualization) လုပ်ငန်းစဥ်များကို နှစ်သက်သူဖြစ်ပြီး ယခင်က လူမှုအဖွဲ့အစည်းများဖြစ်သော ဖန်တီးရာ၊​ မြန်မာ့ပွင့်လင်းရှေ့ဆောင်၊ အာနန္ဒာ ဒေတာ အစရှိသည့် အဖွဲ့အစည်းများနှင့် လုပ်ကိုင်ခဲ့သည်။ လူမှုအပြောင်းအလဲများနှင့် Open Data လှုပ်ရှားမှု တို့အတွက် ကျင်းပခဲ့သော Hackthon အများအပြားတွင်လည်း တက်ကြွစွာပါဝင်ခဲ့သည်။​ ယခုအခါတွင် ဦးသန့်နေအိမ် ၏ အမေ့ခံအတိတ် ဝဘ်ဆိုဒ် တွင် အလွတ်တန်း ဝဘ်ဆိုဒ်တည်ဆောက်သူ နှင့် နည်းပညာအကြံပေးအဖြစ် လုပ်ကိုင်လျက်ရှိပြီး ဒေတာ နှင့် ဒီဇိုင်း ပူးပေါင်းလုပ်ဆောင်ချက်များအတွက် အကြံပေး ဒေတာ ကုမဏီဖြစ်သည့် Thibi.co တွင် UI Frontend Devloper အဖြစ်လုပ်ကိုင်လျက်ရှိသည်။

Su Nwe

ဆုနွယ်

ဝက်ဘ်ဆိုဒ် အကြံပေးနှင့် ဘာသာပြန်

ဆုနွယ် (Luna) သည် ဦးသန့်နေအိမ်တွင် Program Coordinator အဖြစ် တာဝန်ထမ်းဆောင်နေပြီး www.lostfootsteps.org ဝက်ဘ်ဆိုဒ်ကို စီမံနေသူ ဖြစ်သည်။ သူမသည် စီးပွားရေးပညာ စီမံခန့်ခွဲမှု မဟာဘွဲ့ (MBA) ကို ရန်ကုန်စီးပွားရေးတက္ကသိုလ်မှ ရရှိခဲ့သည်။ ယခင်က လုပ်ငန်းများ၊ အစိုးရ မဟုတ်သော အဖွဲ့အစည်းများတွင် ဘာသာပြန်ခြင်း၊ စာတည်းခြင်း၊ အခမ်းအနား စီစဉ်ခြင်းနှင့် သုတေသနပြုခြင်းတို့ကို အလွတ်သဘောဖြင့် ဆောင်ရွက်ခဲ့သည်။ သတင်းထောက်အဖြစ်လည်း လုပ်ကိုင်ခဲ့သည်။ စာရေးသူ အဖြစ် လူမှုရေးရာ ဆောင်းပါး ၁၀၀ ကျော်၊ ဆောင်းပါးပေါင်းချုပ် စာအုပ် ၂ အုပ် ထုတ်ဝေရေးသားခဲ့သည်။ လူငယ်များ အတွက် စီးပွားရေးဆိုင်ရာ သင်တန်းများကို လုပ်အားပေး သင်ကြားပေးပါသည်။

Christian Gilberti

ခရစ်စ်ရှန် ဂီလ်ဘဲတီ

ဝက်ဘ်ဆိုက် စာတည်းနှင့် အကြံပေး

ခရစ်စ်ရှန် ဂီလ်ဘဲတီသည် သမိုင်းပညာရှင်၊ သတင်းထောက်၊ စာရေးဆရာနှင့် ကယ်လီဖိုးနီးယား ဘာကလေ တက္ကသိုလ်တွင် ပါရဂူဘွဲ့ ပြုစုနေသူ ဖြစ်သည်။ အမေရိကန်လူမျိုး ဖြစ်ပြီး ပင်ဆယ်ဗေးနီးယား တက္ကသိုလ်မှ သမိုင်းပညာဘွဲ့၊ အောက်စဖို့တက္ကသိုလ်မှ သမိုင်းပညာ မဟာဘွဲ့ ရရှီခဲ့သည်။ မြန်မာနိုင်ငံတွင် ၃ နှစ်ကြာ နေထိုင်ခဲ့ပြီး မြန်မာ့သမိုင်းဆိုင်ရာ အကြောင်းအရာများကို Myanmore Magazine, Southeast Asia Globe, Frontier Myanmar နှင့် Mekong Review ကဲ့သို သတင်းဂျာနယ်များတွင် ရေးသားခဲ့သည်။

Zin Mar Myint

ဇင်မာမြင့်

ဝက်ဘ်ဆိုဒ် စာတည်းနှင့် ဘာသာပြန်

ဇင်မာမြင့်သည် ရန်ကုန်မြို့ နေ လူလတ်တန်းစား မိသားစုတစ်စုမှ ဆင်းသက်လာသည်။ သူမ၏ အလှမ်းမဝေးလှသော ရှေးဘိုးဘေးဘီဘင်များသည် အိန္ဒိယနှင့် တရုတ်လူမျိုးများ ဖြစ်သော်လည်း သူမကိုယ်သူမ မြန်မာလူမျိုးတစ်ယောက်အဖြစ် ခံယူသည်။ လွန်ခဲ့သော ၈ နှစ်ခန့်အချိန်က သူမ စာရေးခြင်းအလုပ်ကို နှစ်သက်ကြောင်းနှင့် နိုင်ငံကို အကျိုးပြုလိုစိတ် ပြင်းပြကြောင်း သဘောပေါက် နားလည်သွားပြီးသကာလ စာရေးဆရာ၊ ဘာသာပြန်၊ စာနယ်ဇင်းသမား တစ်ယောက်အဖြစ် စတင် အသက်မွေးဝမ်းကြောင်းပြုခဲ့သည်။ ၂၀၀၉ ခုနှစ်တွင် ဆေးဝါးတက္ကသိုလ် (ရန်ကုန်)မှ ဘွဲ့ရရှိခဲ့ပြီး ၂၀၁၇ ခုနှစ်တွင် အမေရိကန်ပြည်ထောင်စု ကန်းဆက်ပြည်နယ်တက္ကသိုလ်၌ စာနယ်ဇင်းနှင့် လူထုဆက်သွယ်ရေးပညာ မဟာဘွဲ့ကို ဆည်းပူးခဲ့သည်။ လက်ရှိတွင် သြစတြေးလျနိုင်ငံ ကွင်းဆလန်းနည်းပညာတက္ကသိုလ်တွင် စာနယ်ဇင်းပညာ ဒေါက်တာဘွဲ့ရရှိရန် ကြိုးပမ်းလျက်ရှိသည်။