မြန်မာ့သမိုင်းနှင့် ကမ္ဘာ့သမိုင်းကို ရှာဖွေလေ့လာခြင်း

ပရောဂျက်အကြောင်း

ယခုဝက်ဘ်ဆိုဒ် တည်ထောင်ရခြင်း၏ ရည်ရွယ်ချက်မှာ မြန်မာနိုင်ငံ၏ အံသြဖွယ်ရာ သမိုင်းကြောင်းကို လူအများ စိတ်ပါဝင်စားမှု ပိုမိုတိုးမြင့်လာစေရန် ဖြစ်ပါသည်။ မြန်မာနိုင်ငံ၌ လက်ရှိသင်ကြားနေသော သမိုင်းတွင် မဆန်းစစ်ဘဲ လက်ခံထားသော အမြင်များ၊ ရှုထောင့်နှစ်ဘက်မှသာ ကန့်သတ်ကြည့်မြင်သော သဘောထားများ ပါရှိနေတတ်ရာ နိုင်ငံ၏သမိုုင်းတလျှောက် အဓိကကျသော အတိတ်ကာလများကို ပြန်လည်ဆန်းစစ်ခြင်းအားဖြင့် ထိုအတွေးအမြင်များကို စိန်ခေါ်ရန်မှာ ကျွနု်ပ်တို့၏ ရည်ရွယ်ချက်ဖြစ်ပါသည်။ ထို့အပြင် တရုတ်ယူနန်ပြည်နယ်နှင့် အိန္ဒိယ အရှေ့မြောက်ပိုင်းဒေသ စသော အိမ်နီးနားချင်းဒေသများ၏ သမိုင်းကြောင်းကို မြန်မာစာဖတ်ပရိသတ်နှင့် မိတ်ဆက်ပေးနိုုင်ရန် ထဲထဲဝင်ဝင် ဖော်ပြလိုက်ပါသည်။ ယနေ့ မြန်မာနိုင်ငံ ကြုံတွေ့နေရသော စိန်ခေါ်မှုများစွာကို ရင်ဆိုင်နိုင်ရန်အတွက် အတွေးသစ် အမြင်သစ်၊ စိတ်ကူးအသစ်များ လိုအပ်သည်ဟု ကျွနု်ပ်တို့အနေနှင့် ယုံကြည်မိပါသည်။ မြန်မာ့သမိုင်းနှင့် ကမ္ဘာ့သမိုင်းကို ရှင်းလင်းစွာ နားလည်သဘောပေါက်ပြီး ဆန်းစစ် သုံးသပ်ခြင်းမှသာ ထိုသို့တွေးခေါ်နိုင်ပါလိမ့်မည်။