အမေ့ခံအတိတ်
အမေ့ခံအတိတ်
မြန်မာတို့၏ အဆန်းကြယ်ဆုံးသော အိမ်နီးချင်းများ - အန်ဒမန်ကျွန်းသူကျွန်းသားများ

မြန်မာတို့၏ အဆန်းကြယ်ဆုံးသော အိမ်နီးချင်းများ - အန်ဒမန်ကျွန်းသူကျွန်းသားများ

Read in English

အန်ဒမန်ကျွန်း(Andaman Islands)သည် မန္တလေးထက်စာလျှင် ရန်ကုန်နှင့် ပိုနီးပါသည်။ ယနေ့တွင် အိန္ဒိယ၏ တစ်စိတ်တစ်ပိုင်းဖြစ်သည်။ ထိုဒေသတွင် နေထိုင်သော လူမျိုးစုများသည် ကမ္ဘာပေါ်တွင် တစ်သီးတစ်ခြား အဖြစ်ဆုံးသော လူမျိုးစုများ ဖြစ်သည်။

ယနေ့တွင် မူလအန်ဒမန်ကျွန်းသူကျွန်းသားများ ဦးရေမှာ ရာဂဏန်းခန့်သာ ရှိတော့သည်။ သူတို့ ပြောဆိုသော ဘာသာစကားမှာလည်း အခြားမည်သည့် ဘာသာစကားနှင့်မျှ မတူပါ။

မျိုးရိုးဗီဇအရဆိုလျှင် သူတို့သည် အာရှတိုက်သားများနှင့် ပို၍ နီးစပ်ပေသည်။ စိတ်ဝင်စားစရာ ကောင်းသည်မှာ တိဘက်၊ ယူနန်နှင့် ဂျပန်တွင် တွေ့ရှိရသော Y-Haplogroup D-M174 မျိုးရိုးဗီဇအုပ်စုတွင် ပါဝင်ကြောင်း ဗီဇစစ်ဆေးမှုအချို့အရ သိရှိရသည်။ လွန်ခဲ့သောနှစ်ပေါင်း ၆၀၀၀၀ ခန့်က အာဖရိကတိုက်ကို စွန့်ခွာခရီးနှင်လာခဲ့သော၊ နောင်နှစ်ထောင်ပေါင်းများစွာ အကြာတွင် မြန်မာကမ်းစပ်များသို့ ရောက်ရှိလာခဲ့ကာ ထိုမှတဆင့် သြစတြေးလျတိုက်ဘက်သို့ ခရီးဆက်ခဲ့ကြသော ပထမဆုံး လူသားများမှ ယင်းမူလကျွန်းသူကျွန်းသားတို့ ဆင်းသက်လာသည်ဟု သိပ္ဗံပညာရှင်များက ယုံကြည်ကြသည်။ ထိုမှ ခွဲဖြာဆင်းသက်လာသော မျိုနွယ်စုသည် မြောက်ပိုင်းသို့ ခရီးဆက်ခဲ့ကြပြီး အရှေ့အာရှတိုက်တွင် ပထမဆုံး အခြေစိုက်နေထိုင်ခဲ့သော လူသားများ ဖြစ်နိုင်ဖွယ်ရာ ရှိပေသည်။ ရေခဲခေတ်နှောင်းပိုင်းကာလများအတွင်း အန်ဒမန်ကျွန်းသည် မြန်မာပြည်နှင့် ကုန်းမြေချင်း ထိဆက်နေခဲ့သေးသည်။ ထို့နောက် လွန်ခဲ့သော နှစ်တစ်သောင်းခန့်က ပင်လယ်ရေမျက်နှာပြင်များ မြင့်တက်လာသောအခါ ကျွန်းစုများ ဖြစ်လာခဲ့သည်။ ထိုအချိန်မှစ၍ အန်ဒမန်ကျွန်းမှ လူမျိုးစုများသည် ပြင်ပလောကနှင့် အဆက်အသွယ် လုံးဝနီးပါး မရှိဘဲ တစ်သီးတစ်ခြား နေထိုင်လာခဲ့ကြခြင်းဖြစ်သည်။

မြန်မာတို့က ထိုကျွန်းစုများကို ကပ္ပလီကျွန်းဟု ခေါ်သည်။ ထိုအမည်သည် အာရပ်စကားလုံး ကာဖီရာ-Kaffir (ယနေ့ခေတ် လူမျိုးရေးနှိမ့်ချရန် ခေါ်ဆိုသော အသုံးအနှုန်း) မှ ဆင်းသက်လာပြီး မူလအဓိပ္ပာယ်မှာ မွတ်ဆလင်မဟုတ်သူဟု အဓိပ္ပာယ်ရသည်။ ယနေ့တွင် (အထူးသဖြင့် တောင်အာဖရိကတွင်) လူမည်း အာဖရိကန်လူမျိုးများကို ရည်ညွှန်းသည်။

အန်ဒမန်ကျွန်းစုများထဲမှ တစ်ခုဖြစ်သော မြောက်ပိုင်းရှိ ဆန်တီနယ်ကျွန်းတွင်ဆိုလျှင် ပြင်ပလောကနှင့် လုံးဝအဆက်အသွယ်မရှိပေ။ ထိုကျွန်းတွင် နေထိုင်သူများအကြောင်း ကျွန်တော်တို့ လုံး၀ မသိရှိသလောက်ပင် ဖြစ်သည်။ ဆန်တီနယ်ကျွန်းသားများနှင့် အဆက်အသွယ်ပြုရန် ကြိုးပမ်းသည့် အခါတိုင်းပင် (ပုံပါအတိုင်း) မြှားများဖြင့် ပစ်ခတ်တိုက်ခိုက်ကြပေသည်။ သူတို့ဘာသာ သီးခြား နေထိုင်လိုသည်မှာ ထင်ရှားပေသည်။ ထိုကျွန်းသည် ကမ္ဘာတစ်ဝှမ်းလုံးနှင့် အဆက်အသွယ် လုံးဝမရှိဘဲ ကျန်ရစ်သော နောက်ဆုံးနေရာတစ်ခု ဖြစ်သည်။

သမိုင်းမတွင်မီ မှ နောက်ထပ် အကြောင်းအရာများ ဆက်လက်လေ့လာရန်

မြန်မာ့ အိမ်နီးချင်းနိုင်ငံများ၏ အတိတ်နှင့် ပစ္စပ္ပုန် မှ နောက်ထပ် အကြောင်းအရာများ ဆက်လက်လေ့လာရန်

ခေါင်းစဉ်များ အားလုံးကြည့်ရန်