အမေ့ခံအတိတ်
အမေ့ခံအတိတ်
ရှေးခေတ်ကတည်းက မြန်မာနှင့်ဆက်စပ်မှုရှိခဲ့သော စကော့တလန်


late 19th Century

ရှေးခေတ်ကတည်းက မြန်မာနှင့်ဆက်စပ်မှုရှိခဲ့သော စကော့တလန်


room United Kingdom

Read in English

၁၉  ရာစုနှစ် အနှောင်းပိုင်းနှင့် ၂၀ ရာစုနှစ် အစောပိုင်းကာလများအတွင်း ရန်ကုန်ရှိ ထိတ်ထိတ်ကြဲ ကုမ္ပဏီအများစုမှာ စကော့တလန်လူမျိုးအပိုင်များ ဖြစ်ခဲ့ကြပါသည်။ လက်ရှိ မြန်မာနိုင်ငံတွင် ဂေါက်သီးရိုက် အားကစားနှင့် ဝီစကီအရက်ရှိနေခြင်းတို့သည် စကော့တလန်နှင့် မြန်မာအကြား ဆက်ဆံရေး၏ အမွေအနှစ်များဟုပင် ဆိုရပေမည်။ မျိုးရိုးစဉ်ဆက် ရန်ကုန်မြို့တွင် နေထိုင်လုပ်ကိုင်စားသောက်ခဲ့သော စကော့လူမျိုး အရေအတွက် ထောင်ပေါင်းများစွာ ရှိခဲ့သည်။ ကိုလိုနီခေတ်က ရန်ကုန်မြို့ရှိခဲ့သော စုစုပေါင်း ဥရောပလူမျိုး လူဦးရေ၏ ၈၀ ရာခိုင်နှုန်းသည် စကော့လူမျိုးများ ဖြစ်ပါသည်။ လွန်ခဲ့သောနှစ်အနည်းငယ် ပြုလုပ်ခဲ့သော အီဒင်ဘာ့ပွဲတော်၏ ဟောပြောပွဲတစ်ခုတွင် ကျွနု်ပ် ပါဝင်ဆွေးနွေးရာ လာရောက်နားထောင်သူ အယောက်နှစ်ရာခန့် ရှိခဲ့သည်။ ဟောပြောပွဲပြီးနောက် တက်ရောက်သူများအနက် ဘိုးဘိုးဘွားဘွားများက ကျွနု်ပ်ကို လာရောက်နှုတ်ဆက်ကာ ယင်းတို့သည် မြန်မာနိုင်ငံဖွားများ ဖြစ်ကြောင်း ပြောပြခဲ့ပါသည်။ ရန်ကုန်မြို့ထဲရှိ အဆောက်အအုံဟောင်းများသည် အင်္ဂလိပ်စတိုင် ဖြစ်သည်ဟု လူအများစု ထင်ကြပါသည်။ တိတိကျကျပြောရလျှင် စကော့စတိုင်ဟု ဆိုရပါမည်။ အောက်တွင် တွေ့ရမည့် အဆောက်အဦများမှာ မူလအစက ဧရာဝတီဖလော့တေလာ ကုမ္ပဏီ၊ အေစကော့ကုမ္ပဏီ၊ ဂရင်းလေဘဏ်၊ ဗမာ့ရေနံ၊ ဘုံဘေဘားမားတို့ ဖြစ်ကြပါသည်။ ရန်ကုန်တွင် စကော့တလန်ဗိသုကာ လက်ရာ လွှမ်းမိုးမှုရှိခဲ့ပုံကို သက်သေပြနေသည့် အဆောက်အဦအချို့ ဖြစ်ပါသည်။ ထိုကုမ္ပဏီများအားလုံးသည် ဂလက်စကိုမြို့မှလာသော စကော့လူမျိုးပိုင် ကုမ္ပဏီများဖြစ်ကြသည်။
 Scots Kirk (Scottish Presbyterian Church) ဘုရားကျောင်းသည် သမ္မတရုပ်ရှင်ရုံနှင့် မျက်နှာချင်းဆိုင်တွင် တည်ရှိခဲ့သည်။

ကမ္ဘာ့ မြို့တော်အဖြစ် ရန်ကုန် (၁၈၅၃-၁၉ ၆၂) မှ နောက်ထပ် အကြောင်းအရာများ ဆက်လက်လေ့လာရန်

ခေါင်းစဉ်များ အားလုံးကြည့်ရန်