အမေ့ခံအတိတ်
အမေ့ခံအတိတ်
အင်ဂျင်တစ်လုံးဖြင့် ပျံသန်းသော လေယာဉ်တစ်စီး သံတွဲမြို့အနီး ပျက်ကျစဥ်
မော်လမြိုင်မြို့ အနီးတွင် လေယာဥ်ပျက်ကျစဥ်
မော်လမြိုင်မြို့ အနီးတွင် လေယာဥ်ပျက်ကျစဥ်

event_note ခေတ်ကာလများပြပုံ

1920s

အင်ဂျင်တစ်လုံးဖြင့် ပျံသန်းသော လေယာဉ်တစ်စီး သံတွဲမြို့အနီး ပျက်ကျစဥ်

Read in English

၁၉၂၀ ပြည့်နှစ် အစောပိုင်းကာလများတွင် သြစတြေးလျလူမျိုး ဂျွန်မက်ကင်တော့ရှ် (John McIntosh)နှင့် ရေးပါရာ (Ray Parer) တို့သည် အင်ဂျင်တစ်လုံးတည်း ပါသည့် လေယာဉ်ကို ပထမဆုံးအကြိမ် အဖြစ် လန်ဒန်မြို့ (London) (ဟောင်စ်လိုဟိသ် - Hounslow Heath) မှ သြစတေးလျနိုင်ငံ (Australia) ဒါဝင်မြို့ (Darwin) အထိ ပျံသန်းနိုင်ခဲ့သည်။ ပထမပုံတွင် စစ်တွေမြို့နှင့် ရန်ကုန်မြို့ အကြား ပျံသန်းနေစဥ် လေယာဥ် အရေးပေါ် ဆင်းသက်ခဲ့ရပုံ ဖြစ်သည်။ ဒေသခံများက လေယာဥ် ပြန်တက်နိုင်စေရန် အတွက် မြစ်ကမ်းဘေးရှိ ချုံနွယ်များကို ရှင်းလင်းပေးကာ လေယာဥ်ပြေးလမ်း ဖြစ်အောင် ဖန်တီးပေးခဲ့သည်။ ဒုတိယပုံမှာ မော်လမြိုင်မြို့တွင် ကြိုဆိုနေသော လူအုပ်ကြီးကို သီသီလေးသာ ရှောင်နိုင်၍ လေယာဥ်ပျက်ကျပုံ ဖြစ်သည်။ လေယာဥ်မှူးများက မော်လမြိုင်မြို့တွင် ၆ ပတ်ကြာအောင် လေယာဥ်ကို ပြင်ဆင်ခဲ့ရသည်။ ပျက်ဆီးသွားသော လေယာဥ်အောက်ပိုင်းကို တရုတ်လူမျိုး အလုပ်သမားများက ပြင်ပေးခဲ့၍ ရေတိုင်ကီပျက်ကို မော်တော်ကား ရေတိုင်ကီနှစ်လုံးနှင့် အစားထိုးခဲ့သည်။ လေယာဥ်ဒလက်သစ်ကို အိန္ဒိယနိုင်ငံ (India)၊ ကာလကတ္တားမြို့ (Calcutta) မှ မှာယူခဲ့ရသည်။ မုတ်သုန်ရာသီကို ရှောင်ရှားလို၍ လေယာဥ်ကို ဝိတိုရိယအငူမှ အမြန်ဆုံး ပျံသန်းခဲ့ရသည်။ ထိုမှ ဂျော့တောင်းမြို့ (Georgetown)၊ ပီနန်မြို့ (Penang) နှင့် နောက်ဆုံးတွင် သြစတြေးလျနိုင်ငံ (Australia) သို့ အောင်မြင်စွာ ပျံသန်းနိုင်ခဲ့သည်။

နောက်ပိုင်းတွင် ၁၉၆၀ ပြည့်နှစ်များ မတိုင်မီ အထိ ဘီအိုအေစီ (BOAC) အပါအဝင် စီးပွားဖြစ် လေကြောင်းလိုင်းများသည် လန်ဒန်မြို့ (London) မှ ဆစ်ဒနီမြို့ (Sydney)သို့ ပျံသန်းရာတွင် ရန်ကုန်မြို့၊ ထို့အပြင် စစ်တွေမြို့တို့တွင် ခရီးတစ်ထောက် နားလေ့ ရှိသည်။

ဗြိတိသျှ မြန်မာ (၁၈၂၆ - ၁၉၄၂) မှ နောက်ထပ် အကြောင်းအရာများ ဆက်လက်လေ့လာရန်

ခေါင်းစဉ်များ အားလုံးကြည့်ရန်