၁၉၀၂ - ၁၉၂၂
လျှို့ဝှက်ဆန်းကြယ်သော မြန်မာမင်းသားတစ်ပါး?
room United Kingdom
ဖော်ပြပါဓာတ်ပုံသည် (ယူကေ)အမျိုးသားဓာတ်ပုံပြခန်းမှ ဖြစ်သည်။ ထိုပြခန်းတွင် ပြသခံခဲ့ရသည့် မြန်မာလူမျိုးများမှာ လက်တစ်ဆုပ်စာ အရေအတွက်မျှသာ ရှိခဲ့သည်။ ပုံပါပုဂ္ဂိုလ်ကို မင်းတုန်းမင်း၏ မြစ်တော်တစ်ဦး ‘မင်းသားမောင်မောင်ကြီး’အဖြစ် စာရင်းသွင်းထားသည်။ အခြားတစ်နေရာတွင် သီပေါမင်း၏ မြေးတော်အဖြစ် စာရင်းသွင်းခံရသည်ကို တွေ့ရသည် (ထိုကဲ့သို့ မဖြစ်နိုင်)။ သူ၏ဖခင်မှာ ‘မင်းသားမောင်မောင်ဦး’ဟု ဆိုသော်လည်း (မင်းတုန်းမင်း၏သားတော်ဖြစ်သည့်) အဘိုး၏ အမည်ကို ‘မသိရှိပါ’ ဟု ရေးသားထားသည်။ ထိုမင်းသားသည် ၁၉၀၂ ခုနှစ်တွင် ဖွားမြင်သည်။ ၁၉၂၂ ခုနှစ်တွင် အရှုပ်တော်ပုံတစ်ခုတွင် ပါဝင်ပတ်သက်ခဲ့သည်ဟု ယူဆရသည်။ ထိုအချိန်တွင် သူသည် လန်ဒန်၌ အင်ဂျင်နီယာ ကျောင်းသားတစ်ယောက် ဖြစ်ပြီး ဝင်ဘလီတန်ရှိ ဆေးလ်ဗီယာ ရှားလော့ ဟယ်လန်ဖို့ (Sylvia Charlotte Helen Forde) အမည်ရှိ အမျိုးသမီးနှင့် စေ့စပ်ကြောင်းလမ်းထားသည်။ ၁၉၂၂ ခုနှစ် စက်တင်ဘာလ ၆ ရက်နေ့ထုတ် စင်ကာပူ စထရိတ်တိုင်းမ်းသတင်းစာတွင် ယူကေ အိမ်ထောင်စုမှတ်ပုံတင်စာရင်းဌာနမှ လက်ထပ်ပွဲကို ဟန့်တားရန် ကြိုးပမ်းခဲ့ကြောင်း သတင်းပါလာသည်။ အခြားသတင်းတစ်ပုဒ်တွင် မင်းသားသည် အသက် ၂၁ နှစ်အောက် ဖြစ်ပြီး မိဘများ၏ခွင့်ပြုချက် မရရှိထားဟု ရေးသားထားသည်။ ထိုအဖြစ်အပျက်ပြီးနောက်ပိုင်း သူ၏ဇာတ်ကြောင်းကို ခြေရာမခံနိုင်တော့ဘဲ အမျိုးသားဓာတ်ပုံပြခန်းမှ ဖော်ပြပါဓာတ်ပုံတစ်ခုသာ ကျန်ခဲ့ပေတော့သည်။
ဗြိတိသျှ မြန်မာ (၁၈၂၆ - ၁၉၄၂) မှ နောက်ထပ် အကြောင်းအရာများ ဆက်လက်လေ့လာရန်