၉ စက်တင်ဘာ ၁၅၈၀
ဘုရင့်နောင်၏ ၁၅၈၀ ပြည့်နှစ်က ရခိုင်ပြည်ကို သိမ်းပိုက်ရန် ကြိုးပမ်းမှု
၁၅၈၀ ပြည့်နှစ် စက်တင်ဘာလ ၉ ရက်နေ့တွင် ဘုရင့်နောင်သည် ရခိုင်ပြည်ကို အင်အားအလုံးအရင်းဖြင့် ဝင်ရောက် သိမ်းပိုက်ခဲ့သည်။ ထီးနန်း အထွတ်အထိပ် ရောက်နေချိန်တွင် တောင်ငူဘုရင်သည် အနောက်အရပ်ရှိ မဏိပူရပြည်မှ စကာ ရှမ်းပြည်နယ်များကို ဖြတ်ကျော်၍ လင်ဇင်းပြည်အထိ အာဏာဖြန့်ကျက်နိုင်ခဲ့သည်။ ရခိုင်ပြည်တစ်ခုသာ သိမ်းပိုက်မခံရဘဲ ကျန်ရှိနေခဲ့သည်။
မုတ္တမမင်းသား သီရိသုဓ္ဓမရာဇာ ခေါင်းဆောင်၍ ခြေလျင်တပ်သား အယောက် ၂၄၀၀၀၊ မြင်းကောင်ရေ ၁၂၀၀၊ ဆင်ကောင်ရေ ၁၂၀ နှင့် (မော်တင်စွန်းမှ ထွက်ခွာလာသည့်) လှေအစီး ၁၃၀၀ တို့ ပါဝင်သည့် ကြည်းတပ်နှင့် ရေတပ်တို့ကို ပေါင်းကာ စစ်အင်အား အလုံးအရင်းဖြင့် ရခိုင်ပြည်ကို တိုက်ခဲ့သည်။ မင်းဖလောင်း လက်ထက် ရခိုင်ပြည်သည်လည်း အင်အားကောင်းနေသောအချိန် ဖြစ်ရာ ၎င်းတို့၏ အာဏာစက်သည် စစ်တကောင်းပြည်နှင့် တြိပူရပြည် အထိ ဖြန့်ကျက်ထားနိုင်ခဲ့သည်။
ကျူးကျော်ဝင်ရောက်လာသောတပ်များသည် သံတွဲမြို့ကို အလွယ်တကူ သိမ်းယူနိုင်ခဲ့သော်လည်း ၁၅၈၁ ခုနှစ် အောက်တိုဘာလ ၁၀ ရက်နေ့ ၁၂ လခန့် အကြာတွင် ဘုရင့်နောင် နတ်ရွာစံသွားသောကြောင့် တပ်ဆုတ်၍ ပြန်ခဲ့လေသည်။ ထိုသို့ဖြင့် မြောက်ဦးမြို့သည် နောက်ထပ် နှစ်ပေါင်း နှစ်ရာကျော်တိုင် လွတ်လပ်သော ပြည်ထောင် အဖြစ် ရပ်တည်နိုင်ခဲ့သည်။
ဤသည်မှာ မြောက်ဦးမြို့ကို ဒတ်ချ်ပန်းချီဆရာမှ ရေးဆွဲထားပုံ ဖြစ်သည်။ မြောက်ဦးဘုရင်များနှင့် အရှေ့အိန္ဒိယ ဒတ်ချ်ကုမ္ပဏီ (Vereenigde Oost-Indische Compagnie) တို့သည် အလွန်ပင် ရင်းနှီးသည့် ဆက်ဆံရေး ရှိခဲ့သည်။