အမေ့ခံအတိတ်
အမေ့ခံအတိတ်
အမေရိကန်ပြည်ထောင်စုသို့ အစောဆုံး ပညာတော်သင်သွားရသော မြန်မာကျောင်းသား တစ်ဦး

1870s

အမေရိကန်ပြည်ထောင်စုသို့ အစောဆုံး ပညာတော်သင်သွားရသော မြန်မာကျောင်းသား တစ်ဦး

room United States

people Kolia San Thabue

Read in English

ဤသည်မှာ အမေရိကန်ပြည်ထောင်စုသို့ အစောဆုံး ပညာတော်သင်သွားရသော မြန်မာကျောင်းသားများထဲမှ တစ်ဦးဖြစ်သည့် ကိုလိုင်ရာ (Kolia San Thabue)၏ ဓာတ်ပုံ ဖြစ်သည်။ သူသည် ပုသိမ်မြို့မှ ပိုးကရင်လူမျိုးဖြစ်ပြီး ၁၈၇၀ ပြည့်နှစ် နှောင်းပိုင်းအချိန်တွင် အမေရိကန်ပြည်ထောင်စုသို့ ရောက်ရှိလာခဲ့သည်။ သူ့အကြောင်း အပြည့်အစုံကို တိတိကျကျ မသိရသော်လည်း မစ်ရှီဂန်ပြည်နယ်ကောလိပ် (Michigan College - ယခု တက္ကသိုလ်) သို့ မတက်ရောက်မီ ချီကာဂိုတက္ကသိုလ် (Chicago University) နှင့် ကာလမက်ဇူးကောလိပ် (Kalamazoo College) ၌ ပညာသင်ယူခဲ့သည်။ 

သိရှိရသလောက်မှာ သူသည် ချီကာဂို၌ ကျောင်းတက်နေစဉ် ဒုတိယနှစ် အတွင်း ငွေကြေး အခက်အခဲ ဖြစ်ခဲ့သည်။ ဖော်ပြပါ ဓာတ်ပုံမှာ ကျောင်းဆက်တက်နိုင်ရန်အတွက် ကျောင်းစရိတ် (အလှူရှင်တစ်ဦးလျှင် ၂၅ ဆင့်) လှူဒါန်းရန် နှိုးဆော်ရာ၌ အသုံးပြုခဲ့သော ဓာတ်ပုံ ဖြစ်သည်။ သူသည် ဒက်ထရွိုက်မြို့ (Detroit) နှင့် မက်ဆာချူးဆက်ပြည်နယ် (Massachusetts) အပါအဝင် အမေရိကန်ပြည်ထောင်စုတွင် ၁၈ နှစ်ကြာ ကြိုကြားကြိုကြား နေထိုင်ခဲ့သည်။ 

နောက်ပိုင်းတွင် ဝါးခယ်မမြို့ (သာယာကုန်းရွာ)တွင် အခြေချကာ တောင်ယာစိုက်ပျိုးလေသည်။ ရွာသူရွာသားများက အမေရိကန်ပြန် ဘွဲ့ရပညာတတ်တစ်ယောက်သည် ရှေ့နေလည်း မလုပ်၊ အစိုးရဝန်ထမ်းလည်း မလုပ်ပါဘဲ မည်သည့်အတွက် ယာလုပ်လိုသည်ကို နားမလည်နိုင်ကြကြောင်း သူက ညည်းညူပြောဆိုခဲ့သည်။ (“အလကားအသုံးမကျသောအရူး”ဟု လူပြောခံခဲ့ရသည်)။ သူ၏ “အမေရိကန်ဥယျာဉ်”တွင် စိုက်ပျိုးရန် ဆလတ်ရွက်နှင့် သကြားပြောင်း မျိုးစေ့များကို မစ်ရှီဂန်ပြည်နယ်မှသူငယ်ချင်းများထံတွင် တောင်းခံခဲ့လေသည်။ နောင်တွင် ဘက်ပတစ် ဘုန်းတော်ကြီး ဖြစ်လာပြီး အဆုံးတွင် ပုသိမ်မြို့ မစ်ရှင်ကျောင်းတွင် ကျောင်းအုပ်ကြီး အဖြစ် တာဝန်ထမ်းဆောင်ခဲ့သည်။

ကုန်းဘောင်ခေတ်နှောင်း မြန်မာနှင့် အင်္ဂလိပ်စစ်ပွဲများ (အေဒီ ၁၈၂၄ - ၁၈၈၅) မှ နောက်ထပ် အကြောင်းအရာများ ဆက်လက်လေ့လာရန်

ခေါင်းစဉ်များ အားလုံးကြည့်ရန်