သမ္မတဟောင်းဂရန့်၏ ရန်ကုန်ခရီးစဉ်
event_note ခေတ်ကာလများပြပုံ

၂၀ မတ် ၁၈၇၉

သမ္မတဟောင်းဂရန့်၏ ရန်ကုန်ခရီးစဉ်

room United States

Read in English

အမေရိကန်ပြည်ထောင်စု၏ သမ္မတဟောင်းဖြစ်သူ၊ ပြည်တွင်းစစ်တွင်းကာလက မြောက်ပိုင်းတပ်များ၏ ဒုတိယဗိုလ်ချုပ်ကြီး ယူလစ္စဂရန့် (Ulysses Grant) သည် ၁၈၇၉ ခုနှစ် မတ်လ ၂၀ ရက်နေ့က မြန်မာပြည်သို့ ခေတ္တအလည်အပတ် ရောက်ရှိခဲ့သည်။ ၁၈၇၇ ခုနှစ်က သမ္မတရာထူးမှ ပင်စင်ယူလိုက်ပြီးနောက် ကမ္ဘာပတ် ခရီး ထွက်ရာ မြန်မာနိုင်ငံသို့ ရောက်လာခဲ့သည်။ သမ္မတဂရန့်နှင့် မိသားစုကို (ယခု ပြိုပျက်သွားပြီ ဖြစ်သော) အစိုးရအိမ်တော်တွင် ဧည့်ခံဖျော်ဖြေခဲ့သည်။ ဧည့်ခံပွဲ၌ ဂရန့်နှင့် ကော်မရှင်နာမင်းကြီး ဝှိုက် (HT White) တို့သည် အနာဂတ်တွင် “ကမ္ဘာ့ငြိမ်းချမ်းရေးပြဌာန်းမည့်” “အင်္ဂလို-ဆက်ဆွန် အသင်းကြီး” ပေါ်ပေါက်လာနိုင်ခြေ ရှိ၊မရှိ အကြောင်း အပြန်အလှန်ဆွေးနွေးခဲ့ကြသေးသည်။ မြန်မာသည် အိန္ဒိယထက် အဆပေါင်းများစွာ စည်ပင်သာယာသည်၊ ဒေသခံများသည်လည်း တစ်ယူသန်ခြင်း မရှိဘဲ ပိုမိုလွတ်လပ်စွာ တွေးခေါ်တတ်ကြောင်း မှတ်ချက်ချသည်။ ရန်ကုန်မြို့ကိုလည်း အင်မတန် နှစ်ခြိုက်သဘောကျကာ အာရှတိုက်တွင် အရေးအပါဆုံးသော မြို့ကြီး ဖြစ်လာမည်ဟု ဟောကိန်းထုတ်ခဲ့သည်။ မြန်မာနိုင်ငံသို့ လာရောက်ဖူးသည့် အမေရိကန်သမ္မတ ငါးဦးသာ ရှိပါသည်။ ယူလစ်ဆီဂရန့် (Ulysses Grant)၊ ဟားဘတ်ဟူးဗား (Herbert Hoover၊ မေမြို့တွင် နေခဲ့ဖူး)၊ ရစ်ချက်နစ်ဆင် (Richard Nixon၊ နှစ်ကြိမ် လာရောက်ခဲ့)၊ ဂျင်မီကာတာ (Jimmy Carter၊ ၂၀၁၃ ခုနှစ်တွင် လာရောက်ခဲ့) နှင့် ဘာရက်အိုဘားမား (Barack Obama၊ သမ္မတအဖြစ် တာဝန်ယူထားစဉ် လာရောက်ခဲ့) တို့ ဖြစ်ပါသည်။ ဖော်ပြပါပုံမှာ ဂရန့် မြောက်ပိုင်းတပ်များ၏ ဗိုလ်ချုပ်အဖြစ် တာဝန်ထမ်းဆောင် ရိုက်ကူးထားသော ပုံတစ်ပုံဖြစ်ပြီး ရန်ကုန်ခရီးစဉ်အတွင်း ဓာတ်ပုံ ရိုက်ကူးခဲ့ခြင်း ရှိ၊မရှိ မသိပါ။

ဗြိတိသျှ မြန်မာ (၁၈၂၆ - ၁၉ ၄၂) မှ နောက်ထပ် အကြောင်းအရာများ ဆက်လက်လေ့လာရန်

ခေါင်းစဉ်များ အားလုံးကြည့်ရန်