အမေ့ခံအတိတ်
အမေ့ခံအတိတ်
၁၈၅၄ ခုနှစ် ကာလကတ္တားရောက် မကွေးမြို့စားနှင့် ဆာအာသာဖယ်ယာ
event_note ခေတ်ကာလများပြပုံ

၁၈၅၄

၁၈၅၄ ခုနှစ် ကာလကတ္တားရောက် မကွေးမြို့စားနှင့် ဆာအာသာဖယ်ယာ

room India

people King Mindon Sir Arthur Phayre Myoza of Magwe

Read in English

အစောပိုင်းကာလ သံခင်းတမန်ခင်း၏ နောက်ထပ်ပုံရိပ်တစ်ခု။ ၁၈၅၄ ခုနှစ် ကာလတ္တား၌ ဆာအာသာဖယ်ယာနှင့် မကွေးမြို့စားတို့၏ ရေဆေးပန်းချီပုံဖြစ်သည်။ နန်းတက်ခါစ အစောပိုင်းကာလများအတွင်း မင်းတုန်းမင်းကြီး (၁၈၅၂-၁၈၅၃) သည် ဒုတိယ အင်္ဂလိပ်-မြန်မာစစ်အတွင်း၌ သိမ်းပိုက်ခံခဲ့ရသော အောက်မြန်မာပြည်ကို ဗြိတိသျှတို့ ပြန်လည်လွှဲပြောင်းပေးလာအောင် နားချရန် အပြင်းအထန် ကြိုးစားခဲ့လေသည်။ ၁၈၅၄ ခုနှစ်တွင် မင်းတုန်းမင်းကြီးသည် သူ၏ သြဇာအာဏာကြီးသော ဝန်ကြီးများထဲမှ တစ်ဦးဖြစ်သည့် မကွေးမြို့စား (အလွန်သြဇာအာဏာသက်ရောက်သော မိဖုရားခေါင်ကြီး၏ ဝန်ကြီးတစ်ဦး)အား သံတမန်ကိုယ်စားလှယ်အဖြစ် ဒလဟိုစီ၏မှူးမတ်ထံသို့လည်းကောင်း၊ ယင်းနောက်တွင် အိန္ဒိယမြို့တော်ဝန်ထံသို့လည်းကောင်း စေလွှတ်ခဲ့သည်။ မကွေးမြို့စားနှင့်အတူ ပဲခူးမြို့၏ ကော်မရှင်နာမင်းကြီး ဆာအာသာဖယ်ယာက အဖော်အဖြစ် လိုက်ပါခဲ့သည်။ ထိုစဉ်က ဖယ်ယာသည် မြန်မာပြည်တွင် ထူးချွန်ပြောင်မြောက်သော ပညာရှင်တစ်ဦးဖြစ်နေခဲ့ရာ ဘာသာပြန်အဖြစ်နှင့် ဆောင်ရွက်ခဲ့သည်။ နောက်ပိုင်းတွင် ဖယ်ယာသည် အင်္ဂလိပ်ဘာသာဖြင့် ရေးသားသော ပထမဦးဆုံးမြန်မာသမိုင်းကျမ်းကို ရေးသားပြုစုခဲ့သည်။ မျောက် တစ်ကောင်အကြောင်း ပထမဦးဆုံး ရှာဖွေတွေ့ရှိခဲ့ပြီး ဖဲယာ၏အမည်ကို လိုက်၍ ထိုမျောက်မျိုးစိတ်အား Trachypithecus phayrei ဟု အမည်ခေါ်ဆိုလေသည်။ ဖယ်ယာလမ်း (Phayre Street) မှာ ယနေ့ ပန်းဆိုးတန်းလမ်းဖြစ်ပြီး ဒလဟိုစီလမ်း (Dalhousie Street) မှာ ယနေ့ မဟာဗန္ဓုလလမ်းဖြစ်သည်။

ကုန်းဘောင်ခေတ်နှောင်း မြန်မာနှင့် အင်္ဂလိပ်စစ်ပွဲများ (၁၈၂၄ - ၁၈၈၅ အေဒီ) မှ နောက်ထပ် အကြောင်းအရာများ ဆက်လက်လေ့လာရန်

ခေါင်းစဉ်များ အားလုံးကြည့်ရန်