အမေ့ခံအတိတ်
အမေ့ခံအတိတ်
ဂျပန်တို့ လက်နက်ချခြင်း
event_note ခေတ်ကာလများပြပုံ

၂ စက်တင်ဘာ ၁၉၄၅

ဂျပန်တို့ လက်နက်ချခြင်း

people Shigemitsu Mamoru Douglas MacArthur Umezu Yoshijiro

Read in English

၁၉၄၅ ခုနှစ် စက်တင်ဘာလ ၂ ရက်နေ့က အမေရိကန် ရေတပ်သင်္ဘော USS Missouri ပေါ်တွင် ဂျပန်အင်ပါယာသည် မဟာမိတ်တပ်များထံ တရားဝင် လက်နက်ချသည်။ ထိုနေ့က မဟာမိတ်တပ်၏ စစ်သင်္ဘောများနှင့် ရေငုပ်သင်္ဘောအစီး ၁၀၀ ကျော်ခန့် တိုကျိုပင်လယ်အော်၌ ရှိနေခဲ့သည်။ မဟာမိတ်အင်အားစု၏ ကိုယ်စားလှယ်အဖြစ် မဟာမိတ်တပ်များ၏ စစ်သေနာပတိ အမေရိကန် တပ်မတော် ဗိုလ်ချုပ်မှူးကြီး ဒေါက်ဂလပ်စ်မက်အာသာ (Douglas MacArthur) ကလည်းကောင်း၊ ဂျပန်ဘက်မှ ကိုယ်စားလှယ်အဖြစ် နိုင်ငံခြားရေးဝန်ကြီး ရှိဂဲမစ်စု မမိုရု (Shigemitsu Mamoru - ပွဲတက်ဦးထုပ်အမြင့်နှင့် အမျိုးသားဝတ် နောက်ကွဲကုတ်အင်္ကျီအရှည်ကို ဝတ်ဆင်ထားသူ) နှင့် အင်ပါယာ တပ်မတော် ကာကွယ်ရေးဦးစီးချုပ် ဗိုလ်ချုပ်ကြီး အူမဲဇု ရိုရှိဂျီရို (Umezu Yoshijiro)တို့ တက်ရောက်ခဲ့သည်။ သြဂုတ်လ ၃၀ ရက်နေ့ မတိုင်မီ သုံးရက်အလိုတွင် မြန်မာပြည်၌ မြန်မာပြည်ဆိုင်ရာ ဂျပန်တပ်မတော်၏ တပ်မှူး ဗိုလ်ချုပ်ကြီး ဟိအဲတာရို ခိမုရာ (Heitaro Kimura) က ဒေသတွင်း လက်နက်ချ ညှိနှိုင်းဆွေးနွေးမှုများကို စတင်ရန် သဘောတူထားပြီး ဖြစ်သည်။ စစ်တောင်းမြစ်နံဘေးရှိ ရွာကလေးတစ်ရွာတွင် နှစ်ဖက်စုံညီ တွေ့ဆုံကြမည်ဖြစ်သည်။ ထိုအခိုက် ဂျပန်တို့သည် လွန်ခဲ့သော ဧပြီလက ရန်ကုန်မြို့ကို စွန့်ခွာလာခဲ့ကြသော စစ်သား ၇ သောင်းခန့်ဖြင့် မော်လမြိုင်မြို့၌ စခန်းချနေခဲ့သည်။ စစ်ကြီးအတွင်း မြန်မာပြည်၌ ဂျပန်တပ်သားဦးရေ ရှစ်သောင်း ဒဏ်ရာရပြီး တစ်သိန်းခွဲခန့် ကျခဲ့သည်။

ဒုတိယကမ္ဘာစစ်တွင်းကာလ (၁၉၄၂ - ၁၉၄၅) မှ နောက်ထပ် အကြောင်းအရာများ ဆက်လက်လေ့လာရန်

ခေါင်းစဉ်များ အားလုံးကြည့်ရန်