အမေ့ခံအတိတ်
အမေ့ခံအတိတ်
၁၉၄၀ ပြည့်နှစ်ဝန်းကျင်က ဘားမားရိုင်ဖယ်တပ် တပ်သား စုဆောင်းရေး ပိုစတာ
event_note ခေတ်ကာလများပြပုံ

၁၉၄၀

၁၉၄၀ ပြည့်နှစ်ဝန်းကျင်က ဘားမားရိုင်ဖယ်တပ် တပ်သား စုဆောင်းရေး ပိုစတာ

Read in English

၁၉၄၀ ပြည့်နှစ်ဝန်းကျင်က တပ်သား စုဆောင်းရေး ပိုစတာ ဖြစ်သည်။ အိန္ဒိယတပ်မတော်၏ တပ်မဟာတစ်ခု အဖြစ် ဘားမားရိုင်ဖယ်တပ် (Burma Rifles) ကို ၁၉၁၇ ခုနှစ်တွင် စတင်ဖွဲ့စည်းခဲ့ပြီး ပထမကမ္ဘာစစ် အတွင်း အီဂျစ်နိုင်ငံ၊ ပါလက်စတိုင်းဒေသနှင့် မီဆိုပိုတေးမီးယားဒေသတို့တွင် တပ်စွဲခဲ့သည်။ ဘားမားရိုင်ဖယ်တပ်မဟာတွင် ၁၉၂၇ ခုနှစ်မှ ၁၉၄၀ ပြည့်နှစ် အထိ မြန်မာလူမျိုးများ စစ်မှုထမ်းခွင့် မရှိခဲ့သော်လည်း ၁၉၄၂ ခုနှစ်သို့ရောက်သောအခါ ယင်းတပ်မဟာ၏ တပ်ရင်း ၁၄ ခုတွင် မြန်မာလူမျိုးများ သာမက ကရင်လူမျိုး၊ ကချင်လူမျိုး၊ ချင်းလူမျိုး၊ ရှမ်းလူမျိုး၊ ဂေါ်ရခါးလူမျိုး၊ ဆစ်ခ်လူမျိုး နှင့် (မြန်မာပြည်မှ) ပန်ချာပီ မွတ်ဆလင်လူမျိုး စသည့် လူမျိုးစုံဖြင့် ဖွဲ့စည်းထားခဲ့သည်။ ဂျပန်တို့ ကျူးကျော်ဝင်ရောက်လာသောအခါ အမှတ် ၂ တပ်ရင်းမှ လွဲ၍ ကျန်တပ်ရင်းများ အားလုံး ပြိုကွဲသွားခဲ့သည်။ ၁၉၄၃ - ၁၉၄၅ ခုနှစ်က မဟာမိတ်တပ်များ မြန်မာနိုင်ငံကို ပြန်လည်သိမ်းပိုက်ရေး စစ်ဆင်မှုတွင် (ကရင်လူမျိုး၊ ကချင်လူမျိုးနှင့် ချင်းလူမျိုး အများစု ပါဝင်သည့်) အမှတ် ၂ တပ်ရင်းသည် အရေးကြီးသော အခန်းကဏ္ဍမှ ပါဝင်ခဲ့သည်။ “အမှတ် ၂ ဘားမားရိုင်ဖယ် တပ်ရင်းလောက် အားကောင်းတဲ့ တပ်ဖွဲ့အား စစ်မြေပြင်မှာ တစ်ခါမှ မကွပ်ကဲ မအုပ်ချုပ်ခဲ့ဖူးပါ” ဟု ခြင်္သေ့တပ်မှူး (ခေတ်သစ်အထူးတပ်ဖွဲ့စစ်ဆင်ရေး၏ ဖခင်ကြီး) ဗိုလ်ချုပ်ကြီး ဝင်းဂိတ် (Orde Wingate) က ရေးသားခဲ့ဖူးလေသည်။

ဗြိတိသျှ မြန်မာ (၁၈၂၆ - ၁၉၄၂) မှ နောက်ထပ် အကြောင်းအရာများ ဆက်လက်လေ့လာရန်

ခေါင်းစဉ်များ အားလုံးကြည့်ရန်