၁၈၈၁ ခုနှစ်က ပဲခူးမြို့ရှိ ရွှေသာလျောင်းဘုရား

ရွှေသာလျောင်း လျောင်းတော်မူဘုရား ဆင်းတုတော်၏ သက်တမ်းမှာ ရာစုနှစ် အတော်ကြာမြင့်နေပြီဟု ယုံကြည်ရပါသည်။ မွန်တို့၏ မြို့တော် ပဲခူးမြို့ကို အလောင်းဘုရား သိမ်းယူဖျက်ဆီးပစ်ပြီး မြို့ကိုလည်း လူအများက စွန့်ခွာသွားကြသဖြင့် ၁၇၅၇ ခုနှစ်တွင် ရွှေသာလျောင်း ဗုဒ္ဓရုပ်ပွားတော် တည်နေရာကို မသိကြတော့ပေ။ ၁၈၈၀ ပြည့်နှစ်တွင် တောကြီးမျက်မည်းတစ်နေရာ၌ ပြန်လည်ရှာဖွေ တွေ့ရှိခဲ့ရာ ၁၈၈၁ ခုနှစ်တွင် ပြင်ဆင်မွမ်းမံခဲ့သည်။