အမေ့ခံအတိတ်
အမေ့ခံအတိတ်
ကောင်းတုံစာချုပ်
event_note ခေတ်ကာလများပြပုံ

၁၇၆၅ - ၂၂ ဒီဇင်ဘာ ၁၇၆၉

ကောင်းတုံစာချုပ်

room China

၁၇၆၉ ခုနစ် ဒီဇင်ဘာလ ၂၂ ရက်နေ့တွင် ကောင်းတုံစာချုပ် ချုပ်ဆိုကာ တရုတ်-မြန်မာ စစ်ပွဲ (၁၇၆၅ခုနှစ်မှ ဒီဇင်ဘာ ၂၂ ရက်မှ ၁၇၆၉ ခုနှစ်ထိ) ပြီးဆုံးသွားခဲ့သည်။ မြန်မာ့စစ်သည်များသည် ချင်းမင်းဆက် (မန်ချူး) တို့၏ကျူးကျော်မှုကို လေးကြိမ်တိုင် အောင်မြင်စွာတွန်းလှန်နိုင်ခဲ့ကြသည်။ စတုတ္ထအကြိမ်တွင် တရုတ်ဘုရင် ချင်းလုံက လူအင်အား ခြောက်သောင်းအထိ အသုံးပြုပြီး မြန်မာပြည်ကို တရုတ်အင်ပါယာ အတွင်း သွတ်သွင်းရန် အပြင်းအထန် ကျူးကျော်ခဲ့သော်လည်း မြန်မာတို့ကတိုက်ထုတ်ခဲ့သည်။ ချင်းမင်းဆက်တွင် အကြီးမားဆုံးရှုံးနိမ့်မှုပင်ဖြစ်သည်။ ချင်း တပ်မတော်တွင် ရုရှားနယ်စပ်မှ ခေါ်ဆောင်လာသည့် မန်ချူးများ မွန်ဂိုများနှင့် ဟန်တရုတ်စသည့် သစ္စာခံတပ်များပါသည်။ မြန်မာတပ်များကို စစ်သေနာပတိ မဟာသီဟသူရက ဦးဆောင်ပြီး ဘုရင့် အမြှောက်တပ်ဗိုလ် ပြင်သစ်လူမျိုး ပီရယ် ဒီ မီလတ် (Pierre De Millard) လည်းပါဝင်သည်။ ပန်းချီကားမှာ ဘုရင့်သားမက် တစ်ဦးဖြစ်ပြီး ယူနန်နှင့် ကွေ့ကျိုး ပြည်နယ် မင်းကြီးလည်းဖြစ်သူ မင်ယွီ၏ ပုံဖြစ်သည်။ တရုတ်တို့၏ အောင်မြင်လုလု ကျူးကျော်စစ်ဖြစ်သော တတိယမြောက် ကျူးကျော်စစ်ကိုဦးဆောင်သူဖြစ်သည်။ မြန်မာ့စစ်တပ်များက သူ့ကိုတိုက်ထုတ်နိုင်ခဲ့သည့်အခါတွင် မင်ယွီ၏တပ်များ မေမြို့အထိရောက်နေခဲ့ပြီဖြစ်သည်။ မင်ယွီသည် ကိုယ့်ကိုကိုယ်အဆုံးစီရင်ခဲ့သည်။ စိတ်ဝင်စားဖွယ်ကောင်းသည်မှာ ချင်းမင်းဆက်က မြန်မာပြည်ကို မသိမ်းပိုက်နိုင်ခဲ့သော်လည်း ၁၉ ရာစု ကျော်လွန်လာသည့်အခါ မြန်မာအမျိုးသားများသည် မန်ချူး မြင်းစီးအင်္ကျ ီ (မြန်မာအခေါ် တိုက်ပုံ)ကို စတင်ဝတ်ဆင်လာကြခြင်းပင်။

အလယ်ခေတ်နှင့် ခေတ်သစ်ဦးကာလ မြန်မာနှင့် ကမ္ဘာ့ရေးရာ ဆက်နွှယ်မှုများ (၉၀၀မှ ၁၈၂၄ အေဒီ) မှ နောက်ထပ် အကြောင်းအရာများ ဆက်လက်လေ့လာရန်

မြန်မာ့ အိမ်နီးချင်းနိုင်ငံများ၏ အတိတ်နှင့် ပစ္စပ္ပုန် မှ နောက်ထပ် အကြောင်းအရာများ ဆက်လက်လေ့လာရန်

ခေါင်းစဉ်များ အားလုံးကြည့်ရန်