အမေ့ခံအတိတ်
အမေ့ခံအတိတ်
တီပူ၏ကျား (Tipu’s Tiger)
event_note ခေတ်ကာလများပြပုံ

1782

တီပူ၏ကျား (Tipu’s Tiger)

room India

“တီပူ၏ကျား” (Tipu’s Tiger) ကို ယခုအခါ လန်ဒန်မြို့ရှိ ဝိတိုရိယနှင့် အဲလ်ဘတ် ပြတိုက် (Victoria and Albert Museum) တွင် ထိန်းသိမ်းထားပါသည်။ ကျားရုပ်သည် သစ်သားစက်ရုပ် ဖြစ်သည်။ ကျောပေါ်ရှိ အစိတ်အပိုင်း တစ်ခုကို ရွှေ့လျှင် စစ်သား၏ လက်များက လှုပ်ရှားလာကာ ညည်းတွားသံ ပြုသည်။ ထိုအရုပ်ကို ၁၇၈၂ ခုနစ်မှ ၁၇၉၉ ခုနစ် အတွင်း အိန္ဒိယနိုင်ငံ တောင်ပိုင်းရှိ မိုင်ဆိုပြည်နယ် (Mysore) ကို အုပ်ချုပ်သော တီပူစူလတန် (Tipu Sultan) အတွက် ပြုလုပ်ခဲ့ခြင်း ဖြစ်သည်။ တီပူစူလတန်သည် ဗြိတိသျှ အရှေ့အိန္ဒိယ ကုမ္ဗဏီနှင့် စစ်ပွဲ သုံးကြိမ် ဖြစ်ပွားခဲ့သည့် အင်အားကြီးမားသော ရန်သူ တစ်ဦး ဖြစ်သည်။ စစ်ပွဲတွင် နောက်ဆုံး ရှုံးနိမ့်သွားပြီး သူ၏ မြို့တော်ကို အင်္ဂလိပ်တပ်များက သိမ်းပိုက်ပြီးသောအခါ သူ့နန်းတော်ထဲတွင် ဤအရုပ်ကို တွေ့ရှိခဲ့သည်။ (တီပူစူလတန်သည် စစ်ပွဲများတွင် သံအမြှောက်များ ပထမဆုံး အသုံးပြုသူလည်း ဖြစ်သည်။ ထိုနည်းကို ဗြိတိသျှတို့က ကူးယူကာ ပထမ အင်္ဂလိပ်-မြန်မာစစ်ပွဲတွင် အသုံးပြုခဲ့ကြသည်။)


မြန်မာ့ အိမ်နီးချင်းနိုင်ငံများ၏ အတိတ်နှင့် ပစ္စပ္ပုန် မှ နောက်ထပ် အကြောင်းအရာများ ဆက်လက်လေ့လာရန်

ခေါင်းစဉ်များ အားလုံးကြည့်ရန်