အမေ့ခံအတိတ်
အမေ့ခံအတိတ်
ကမ်းဘရစ်ချ်တွင် ပညာသင်ခဲ့သော မြန်မာသမိုင်းတွင် အရေးပါသည့် ပုဂ္ဂိုလ်ကြီးများ

20th

ကမ်းဘရစ်ချ်တွင် ပညာသင်ခဲ့သော မြန်မာသမိုင်းတွင် အရေးပါသည့် ပုဂ္ဂိုလ်ကြီးများ

room United Kingdom

people Dr Ba Maw U Tin Tut Justice U Myint Thein Lord Louis Mountbatten Sao Hkun Hkio President Dr. Ba U Gordon Luce Saw Ba U Gyi Justice U Kyaw Myint Justice U Chan Htoon Dr Htin Aung U Kyaw Min U Ka Si JS Furnivall Dr. Thant Myint-U

Read in English

မြန်မာပြည် ပြင်ပတက္ကသိုလ်များထဲတွင် ကမ်းဘရစ်ချ်တက္ကသိုလ်လောက် မြန်မာ့ရာဇဝင်တွင် အရေးပါခဲ့သော တက္ကသိုလ်ဟူ၍ ရှိမည်မဟုတ်ပါ။ (ရန်ကုန်တက္ကသိုလ်ပြီးလျှင် ကမ်းဘရစ်ချ်လောက် အရေးပါသည့် တက္ကသိုလ်ဟူ၍ ရှိမည်မဟုတ်ဟုပင် ဆိုနိုင်ပါသည်။) ကမ်းဘရစ်ချ်တက္ကသိုလ်တွင် ပညာသင်ခဲ့သော မြန်မာသမိုင်း၏ အရေးကြီးပုဂ္ဂိုလ်ကြီးများမှာ သမ္မတ ဒေါက်တာဘဦး၊ နန်းရင်းဝန်နှင့် အဓိပတိဖြစ်လာသူ ဒေါက်တာဘမော်၊ ကေအန်ယူ ဥက္ကဌ စောဘဦးကြီး၊ နိုင်ငံခြားရေးဝန်ကြီး စဝ်ခွန်ချို၊ တရားသူကြီး ဦးချန်ထွန်း၊ တရားသူကြီး ဦးမြင့်သိန်း၊ တရားသူကြီး ဦးကျော်မြင့်၊ သမိုင်းပညာရှင်နှင့် ရန်ကုန်တက္ကသိုလ် ပါမောက္ခချုပ် ဦးထင်အောင်၊ အိုင်စီအက်စ် ဦးတင်ထွဋ်၊ အိုင်စီအက်စ် ဦးကျော်မင်း၊ အိုင်စီအက်စ် ဦးကာစီ နှင့် အခြားသော အထင်ကရပုဂ္ဂိုလ်ကြီးများ ပါဝင်သည်။ ထို့အပြင် အရှေ့တောင်အာရှ မဟာမိတ်တပ်များ စစ်သေနာပတိချုပ် လော့ဒ်မောင့်ဘက်တန်၊ ရန်ကုန်တက္ကသိုလ် ပါမောက္ခ ဂျော်ဒန်လုစ် (Gordon Luce)၊ မြန်မာသုတေသနအဖွဲ့တည်ထောင်သူ လူမှုဗေဒပညာရှင် ဂျေအက်စ်ဖာနီဗောလ် (JS Furnivall) တို့လည်း ပါဝင်သည်။ အခြားကမ္ဘာ့ကောလိပ်များနှင့်ယှဉ်လျှင် ထရင်နတီကောလိပ်သည် ထူးချွန်ထက်မြက် ကျောင်းဆင်းများကို ပိုမိုမွေးထုတ်ပေးခဲ့သည်ဟု ဆိုနိုင်ပေသည်။ အိုင်ဆက်နယူတန်၊ ချားလ်ဒါဝင်၊ လူးဝဂ်ဝတ်ဂျန်စတိုင်း၊ ဘာထရန်းရက်စယ်၊ ပန်ဒစ်နေရူး၊ လော့ဒ်ဘိုင်ရွန်၊ အဲလ်ဖရက်ဒ်တန်နီစန်၊ ဘလဒီမာနဘိုကော့ဖ် အပါအဝင် သမ္မတများ၊ ဝန်ကြီးချုပ်များ၊ နိုဗယ်လ်ဆုရများသည် ထရင်နတီကျောင်းသားဟောင်းများ ဖြစ်ကြသည်။ (ဓါတ်ပုံမှာ  ဒေါက်တာ သန့်မြင့်ဦး ၁၉၉၆-၂၀၀၀ ခုနစ်အတွင်းက ပါရဂူဘွဲ့ တက်ရောက်ခဲ့ပြီး စာသင်ကြားခဲ့သော ကိန်းဘရစ်တက္ကသိုလ်၊ ထရီနီတီကောလိပ်မှ ထမင်းစားဆောင် ဖြစ်ပါသည်။)

မျက်မှောက်ခေတ် မြန်မာနှင့် ကမ္ဘာ (၁၉ ၆၂ - ၂ ၀၁၈) မှ နောက်ထပ် အကြောင်းအရာများ ဆက်လက်လေ့လာရန်

ခေါင်းစဉ်များ အားလုံးကြည့်ရန်