အမေ့ခံအတိတ်
အမေ့ခံအတိတ်
မြင်ကွန်းမင်းသား
event_note ခေတ်ကာလများပြပုံ

၂ သြဂုတ် ၁၈၆၆

မြင်ကွန်းမင်းသား

people King Mindon Kanaung Prince Prince of Myingun

Read in English

၁၈၆၆ ခုနှစ် သြဂုတ်လ ၂ ရက်နေ့တွင် ဖခမည်းတော် မင်းတုန်းမင်းကို မြင်ကွန်းမင်းသား ပုန်ကန်တော်လှန်ခဲ့သည်။ ဦးရီးတော် အိမ်ရှေ့မင်းသား ဖြစ်သော ကနောင်မင်းသားနှင့် အခြားသော မှူးကြီးမတ်ရာများ လုပ်ကြံခံခဲ့ရသည်။ ထိုတော်လှန်ပုန်ကန်မှုသည် ရက်သတ္တပတ် အနည်းငယ်မျှ ကြာမြင့်ခဲ့ပြီး သွေးထွက်သံယိုများစွာ ဖြစ်ခဲ့ပြီးမှသာ အဆုံးသတ်ခဲ့သည်။ ကနောင်မင်းသားသည် မြန်မာပြည်၏ ပြုပြင်ပြောင်းလဲရေး ခေါင်းဆောင်ကြီး ဖြစ်ပြီး ယင်းကွယ်လွန်ခဲ့ခြင်းသည် တပ်မတော်နှင့် အခြားသော တိုင်းပြည်၏ အဖွဲ့အစည်းများကို ခေတ်မီအောင် ကြိုးပမ်းအားထုတ်မှုများအပေါ် အထိနာစေခဲ့သည်။ မြင်ကွန်းမင်းသားကြီး၏ ယခုပုံမှာ ဆိုင်ဂုံ (Saigon) တွင် ရိုက်ကူးထားသောပုံ ဖြစ်ပြီး ၁၉၂၃ ခုနှစ်၌ ဆိုင်ဂုံတွင်ပင် ဆုံးပါးသွားခဲ့သည်။ ကျွနု်ပ်၏ အဘင်တော်စပ်သူ တဘက်ဆွဲရွာစား မဟာမင်းဒင်သင်္ခယာသည် ထိုစဉ်က လွှတ်တော်စာရေးကြီး ဖြစ်သည်။ ထိုနေ့က နေမကောင်း၍ အိမ်တွင် နားနေသဖြင့်သာ လုပ်ကြံခံရသည့်အထဲ မပါသွားခဲ့ခြင်း ဖြစ်သည်။

ကုန်းဘောင်ခေတ်နှောင်း မြန်မာနှင့် အင်္ဂလိပ်စစ်ပွဲများ (၁၈၂၄ - ၁၈၈၅ အေဒီ) မှ နောက်ထပ် အကြောင်းအရာများ ဆက်လက်လေ့လာရန်

ခေါင်းစဉ်များ အားလုံးကြည့်ရန်