နိုဝင်ဘာ ၁၉၅၃

ရစ်ချတ်နစ်ဆင်၏ ၁၉၅၃ ခုနှစ် မြန်မာပြည် ခရီးစဉ်

Myanmar

U Thant Richard Nixon Daw Khin Kyi Pat Nixon Irene Ba U

Read in English

၁၉၅၃ ခုနှစ်က အမေရိကန် ပြည်ထောင်စု ဒုတိယသမ္မတ ရစ်ချတ်နစ်ဆင် (Richard Nixon) သည် မြန်မာပြည်ကို အလည်အပတ် လာရောက်ခဲ့သည်။ သူ လာရောက်သောနေ့သည့် ကျေးဇူးတော် ချီးမွမ်းသည့်နေ့ ဖြစ်သဖြင့် မြန်မာပြည်မှ တာဝန်ရှိသူများက ကြက်ဆင်သား ပါဝင်သည့် နေ့လည်စာကို အလျင်အမြန် စီစဉ်ပေးခဲ့ကြသည်။

ထိုစဉ်က အမေရိကန်သတင်းစာများ အားလုံးလိုလိုတွင် ဒုတိယသမ္မတ နစ်ဆင် ပဲခူးမြို့တွင် ရင်ဆိုင်ကြုံတွေ့ခဲ့ရသော လက်ဝဲဝါဒီများနှင့် အမေရိကန် ဆန့်ကျင်ဆန္ဒပြသူများ အကြောင်းကို ဖော်ပြခဲ့ကြသည်။ အလွန်ဟာသဉာဏ်ရွှင်သော မြန်မာကွန်မြူနစ်တစ်ယောက်နှင့် ထိပ်တိုက်တွေ့ခဲ့ရာ သူ ကိုင်ထားသော ဆိုင်းဘုတ်တွင် အောက်ပါအတိုင်း ရေးသားထားခဲ့သည်။

"ငြိမ်းချမ်းမှုသည် သင်နှင့် အတူ ရှိပါစေ။

အရှေ့တိုင်းက လူသတ္တဝါတို့ အတွက်

ညှာတာမှု နည်းပါးသော သင်၏ ငြိမ်းချမ်းရေး ခြေလှမ်းများကား သံသယပွားစရာ။

သို့သော် စိတ်ဒုံးဒုံးချ မှတ်သွားပါ တစ်ခုတော့ သေချာ။

ဆာလောင်နေသော ဝေါလ်စထရိ (Wall Street) ဝံပုလွေများ ကောင်းကျိုး အတွက်

အလွယ်တကူ လိမ်ညာတတ်သော ဓနရှင်များ အတွက်

ကျွန်ပ်တို့သည် ကယ်လ်ကနီကြောင်များ (Kilkenny cats) ကဲ့သို့ အချင်းချင်း တိုက်ခိုက်မည် မဟုတ်ပါ"ဟု ဖြစ်သည်။

နစ်ဆင်တို့ ရွှေတိဂုံဘုရားသို့ သွားရောက် လည်ပတ်ခဲ့ကြောင်းကိုမူ သတင်းစာ အချို့ကသာ ဖော်ပြခဲ့ကြသည်။ နစ်ဆင်နှင့် ဇနီးသည်တို့က ဧည့်သည်တော် မှတ်တမ်းစာအုပ်တွင် ဤသို့ ရေးသားခဲ့ကြသည်။ "ရွှေတိဂုံစေတီတော် အကြောင်းကို နှစ်ပေါင်းများစွာက ကြားဖူးကြပါသည်။ ဓာတ်ပုံများထဲတွင်လည်း မြင်ဖူးကြပါသည်။ သို့ရာတွင် မျက်မြင် ရောက်ရှိရသောအခါ စိတ်ကူးထဲတွင် ကြိုတင် မျှော်လင့်ထားသည်ထက် များစွာ သာလွန်ကြီးကျယ်ကြောင်း သိခဲ့ရပါသည်။ မြန်မာလူမျိုးများသည် လူသားတို့အားဖြင့် တည်ဆောက်ခဲ့သော အကြီးကျယ်ဆုံး ယဉ်ကျေးမှု အဆောက်အဦများစွာထဲမှာ တစ်ခု အဖြစ် ရွှေတိဂုံစေတီတော်ကို ကမ္ဘာသားတို့အား ပြသလျက် ရှိပါသည်။"

ပထမပုံမှာ အမေရိကန် ဒုတိယသမ္မတနှင့် ဇနီးဖြစ်သူ မစ္စ"ပတ်"နစ်ဆင် (Pat Nixon) တို့အား ခရီးစဉ် အတွင်း ဧည့်လမ်းညွှန် အဖြစ် ဆောင်ရွက်ပေးခဲ့သော (ထိုစဉ်က ဝန်ကြီးချုပ်၏ အတွင်းရေးမှူး) ဦးသန့်နှင့် ဒေါ်ခင်ကြည် (ဒေါ်အောင်ဆန်းစုကြည်၏ မိခင်) တို့နှင့် အတူ တွေ့ရသည့်ပုံ ဖြစ်သည်။ ဒုတိယပုံတွင် ပဲခူးမြို့၌ ဆန္ဒလာပြကြသော လက်ဝဲဝါဒီ အမေရိကန် ဆန့်ကျင်ရေးသမားများ၏ ငြိမ်းချမ်းမှုသည် သင်နှင့် အတူ ရှိပါစေ ဆိုင်းဘုတ်ကို ဖတ်ရှုနေသည့် နစ်ဆင်ကို တွေ့မြင်နိုင်သည်။

ပြည်တွင်းပြည်ပ ၁၉၅၀ ပြည့်နှစ်များ မှ နောက်ထပ် အကြောင်းအရာများ ဆက်လက်လေ့လာရန်

ခေါင်းစဉ်များ အားလုံးကြည့်ရန်