၁၉၅၁
အိန္ဒိယနှင့် မြန်မာခေါင်းဆောင်များ၏ နှစ်နိုင်ငံကြား အလည်အပတ် ခရီးစဉ်များ
room India
people ဦးနု Pandit Nehru President Rajendra Prasad
၂၀၁၂ ခုနှစ်က အိန္ဒိယဝန်ကြီးချုပ် မန်မိုဟန်ဆင်း (Manmohan Singh) သည် မြန်မာနိုင်ငံသို့ အလည်အပတ် လာရောက်ခဲ့သည်။ ယင်းခရီးစဉ်မှာ နှစ်နိုင်ငံ လွတ်လပ်ရေး ရစဥ်က ယနေ့ထိ နှစ်နိုင်ငံ အကြီးအကဲများ အပြန်အလှန် အလည်အပတ် လာရောက်ခဲ့သည့် ခရီးစဉ်များစွာထဲမှ တစ်ခု ဖြစ်သည်။
ဖော်ပြပါ ဓါတ်ပုံများကို ၁၉၅၁ ခုနှစ်က မြန်မာဝန်ကြီးချုပ် ဦးနု၏ အိန္ဒိယခရီးစဥ်တွင် ရိုက်ကူးခဲ့သည်။ ပထမပုံတွင် ဒေလီမြို့ (Delhi) ရှိ ပလန်လေဆိပ် (Palam Airport၊ ယနေ့တွင် အင်ဒီရာဂန္ဒီ အပြည်ပြည်ဆိုင်ရာလေဆိပ်၊ Indira Gandhi International Airport) တွင် ဦးနု (အလယ်၏ ဝဲဘက်တွင် ခေါင်းပေါင်း ဝတ်ဆင်ထားပြီး သတင်းထောက်များ ဝိုင်းရံနေသူ) အား ပန်ဒစ်နေရူး (Pandit Nehru၊ အလယ်၏ ညာဘက်တွင် အဖြူရောင် ဝတ်ဆင်ထားသူ) လာရောက် ကြိုဆိုပုံ ဖြစ်သည်။ ဒုတိယပုံမှာ ထိုခရီးစဉ်တွင်ပင် ဦးနု၊ ပန်ဒစ်နေရူး (Pundit Nehru) တို့ အိန္ဒိယနိုင်ငံ၏ ပထမဆုံး သမ္မတ ရာဂျန်ဒရာပရာဆတ် (Rajendra Prasad) နှင့် တွေ့ဆုံနေပုံ ဖြစ်သည်။ ဦးနုသည် ထိုစဉ်က အသက် ၄၅ နှစ် ရှိပြီ ဖြစ်ပြီး ဝန်ကြီးချုပ် သက်တမ်း ၃ နှစ် ရှိပြီ ဖြစ်သည်။ ဦးနုနှင့် ပန်ဒစ်နေရူးသည် မိတ်ဆွေရင်းချာများ ဖြစ်သည်။
ပြည်တွင်းပြည်ပ ၁၉၅၀ ပြည့်နှစ်များ မှ နောက်ထပ် အကြောင်းအရာများ ဆက်လက်လေ့လာရန်