ပြည်တွင်းပြည်ပ ၁၉၅၀ ပြည့်နှစ်များ

၁၉၅၀ ပြည့်နှစ်များတွင် မြန်မာနိုင်ငံသည် ဒုတိယကမ္ဘာစစ်၏ အကျိုးဆက်များကို ဆက်လက် ခံစားနေခဲ့ရပြီး ပျက်စီးသွားသော အခြေခံ အဆောက်အအုံနှင့် ပြန်လည်ထူထောင်ရန် ခက်ခဲလှသည့် စီးပွားရေးစနစ်ကို ပြုပြင်ရန် ကြိုးပမ်းနေခဲ့သည်။ ထို့အပြင် နိုင်ငံရေး မတည်ငြိမ်မှုများနှင့် ဗြိတိန်နိုင်ငံမှ လွတ်လပ်ပြီး လပိုင်းအတွင်းပင် စတင်လာခဲ့သည့် ပြည်တွင်းစစ်တို့နှင့်လည်း ရင်ဆိုင်နေရသည်။ မြန်မာနိုင်ငံ၏ နယ်နိမိတ် ပြင်ပတွင်လည်း အိမ်နီးချင်း တရုတ်နိုင်ငံ၏ လတ်တလောတွင် ဖြစ်ပွားခဲ့သည့် တော်လှန်ရေးနှင့် ကမ္ဘာတစ်ဝှမ်းတွင် စတင်လာသည့် စစ်အေးတိုက်ပွဲ စသဖြင့် မရေရာမှုများ ရှိနေခဲ့သည်။

သို့သော် ၁၉၅၀ ပြည့်နှစ်များသည် မျှော်လင့်ချက် ရှိသော ခေတ်ကာလ ဖြစ်သည်။ ထိုတစ်ခဏတွင် မြန်မာနိုင်ငံ၌ အတော်ပင် ဒီမိုကရေစီ ဆန်သည့် အစိုးရ၊ ပွင့်လင်းသော လူ့အဖွဲ့အစည်းနှင့် လွတ်လပ်သော သတင်းမီဒီယာတို့ ရှိခဲ့သည်။ မြန်မာ့ခေါင်းဆောင်များက ကမ္ဘာတွင် ရှိမည့် မြန်မာနိုင်ငံ၏ အနေအထား အတွက် ရည်မှန်းချက် ရှိခဲ့သလို ဓနသဟာရအဖွဲ့၏ ပြင်ပတွင် ဖြစ်တည်မည့် မိမိတို့ နိုင်ငံ၏ သရုပ်လက္ခဏာသစ် အတွက် များစွာ အားထုတ်ခဲ့ကြသည်။ ဤအပိုင်းတွင် လတ်လတ်လောလော လွတ်လပ်ခဲ့သည့် မြန်မာနိုင်ငံကို ပြည်တွင်း၊ ပြည်ပ ဖြစ်ရပ်များက အကျိုးသက်ရောက်ခဲ့ပုံများကို ဖော်ပြထားသည်။